У дзiцячай спальнi — не тэлевiзар, а камп’ютар

Источник материала:

Iнфарм-укол

Амерыканскiя вучоныя вывучалi школьныя поспехi дзяцей ва ўзросце 8 гадоў. Высветлiлася, што школьнiкi, у якiх у спальнi ўстаноўлены ўласны тэлевiзар, значна горш спраўляюцца са стандартнымi тэстамi, чым равеснiкi, у якiх яго няма. Вядома, што персанальны камп’ютар абсалютна iнакш уплывае на разумовыя здольнасцi падлеткаў. Тыя, у каго дома быў уласны РС з выхадам у Iнтэрнэт, выконвалi iх на парадак лепш. Паводле слоў аўтара даследавання, горш за ўсё з тэстамi спраўлялiся дзецi, у якiх у спальнi стаяў уласны тэлевiзар, але не было камп’ютара, а лепшыя вынiкi былi зафiксаваны ў палеткаў з камп’ютарам, але без тэлевiзара.

Статыстыка сведчыць, што сярэдняя амерыканская сям’я звычайна валодае трыма тэлевiзарамi. Урачы рэкамендуюць бацькам абмяжоўваць час, якi iх дзецi праводзяць каля «блакiтных» экранаў, 1-2 гадзiнамi ў дзень.

УСЕ ВIДЫ КАПУСТЫ — СУПРАЦЬ РАКА

Ёсць даныя аб тым, што атлусценне i алкаголь з’яўляюцца фактарамi рызыкi развiцця рака малочнай залозы. Цi можна абаранiцца ад захворвання з дапамогай якой-небудзь дыеты?

Паводле адных даследаванняў, малочныя прадукты валодаюць абарончым уздзеяннем, паводле iншых — наадварот. Нiякiя iншыя прадукты, вiдаць, не ўплываюць на частату рака малочнай залозы. З iншага боку, назапашваюцца даныя аб тым, што шырокi спектр мiкранутрыентаў i гармонаў валодае значнай процiракавай актыўнасцю. Такiя рэчывы можна адшукаць ва ўсiх вiдах капусты. Спецыфiчныя злучэннi ўмешваюцца ў дзеянне цыклiнаў i iнiцыiруюць працэсы апаптозу, а таксама змяняюць метабалiзм эстрагенаў у спрыяльным накiрунку.

МОЗГ СТАРЭЕ, КАЛI ЯГО НЕ НАГРУЖАЦЬ

Асаблiва пасля 60-цi гадоў маса галаўнога мозгу чалавека пачынае змяншацца, што з’яўляецца характэрнай прыметай агульных працэсаў старэння арганiзма.

Амерыканскiя вучоныя на працягу 20 гадоў назiралi за змяненнямi мозгу i яго функцый у людзей старэйшага ўзросту. У вынiку было абвергнута агульнапрынятае меркаванне: змяншэнне масы мозгу суправаджаецца пагаршэннем памяцi i знiжэннем разумовай здольнасцi.

Маса мозгу чалавека ва ўзросце 64 гадоў была меншай, чым ва ўзросце 60-цi, але гэта не суправаджалася змяненнем пазнаваўчай функцыi — памяцi, увагi i хуткасцi перапрацоўкi iнфармацыi.

Мозг змяняецца на працягу ўсяго жыцця: спачатку павялiчваецца, дасягае «пiку» ў маладосцi, а пасля пачынае змяншацца. Пры гэтым такiя змяненнi ў кожнай асобы маюць iндывiдуальныя асаблiвасцi. Варта памятаць, што орган, якi працуе доўгi час, захоўвае сваю функцыянальнасць. Такiм чынам, загружайце мозг работай, i ён не састарэе.