Паведамленне прэс-цэнтра Канстытуцыйнага Суда

Источник материала:

Размова iдзе пра практыку прымянення заканадаўства пры добраахвотным страхаваннi жыцця i пры страхаваннi дадатковай пенсii.

У першым выпадку рэгламентавана, што калi страхавы выпадак — смерць застрахаванай асобы — адбыўся да заканчэння трох гадоў з моманту ўступлення дагавора страхавання ў сiлу, то гэты факт не прызнаецца страхавым выпадкам i страхавая кампенсацыя не выплачваецца. Пры гэтым дагавор не можа быць заключаны на тэрмiн менш як тры гады.

Аналагiчна i ў другiм выпадку: калi грамадзянiн заключыў дагавор добраахвотнага страхавання дадатковай пенсii, але права на атрыманне пенсii ўзнiкла раней за атрыманне пенсii па ўзросту (напрыклад, у выпадку выплаты пенсii па iнвалiднасцi) i да заканчэння трох гадоў з моманту ўступлення дагавора страхавання ў сiлу, то выплата страхавой кампенсацыi не ажыццяўляецца.

Канстытуцыйны Суд прааналiзаваў адпаведныя палажэннi Канстытуцыi, Грамадзянскага кодэкса, Закона «Аб страхаваннi», Палажэння аб страхавой дзейнасцi ў Рэспублiцы Беларусь, якое зацверджана Дэкрэтам Прэзiдэнта Рэспублiкi Беларусь ад 28 верасня 2000 г., Методыкi разлiку страхавых тарыфаў па страхаванню жыцця i дадатковай пенсii, якая зацверджана загадам Камiтэта па нагляду за страхавой дзейнасцю пры Мiнiстэрстве фiнансаў Рэспублiкi Беларусь ад 18 снежня 1998 г., iншых нарматыўных прававых актаў, а таксама матэрыялы, якiя прадставiў заяўнiк.

Канстытуцыйны Суд лiчыць, што ўключэнне ў правiлы добраахвотнага страхавання жыцця i страхавання дадатковай пенсii ўмовы, згодна з якой не прызнаецца страхавым выпадкам смерць застрахаванай асобы на працягу тэрмiну страхавання, калi яна наступiла да заканчэння трох гадоў з моманту ўступлення дагавора страхавання ў сiлу, або права на атрыманне пенсii раней за наступленне пенсiйнага ўзросту i да заканчэння трох гадоў з моманту ўступлення дагавора страхавання ў сiлу, не адпавядае нормам Канстытуцыi, грамадзянскага i страхавога заканадаўства.

Канстытуцыйны Суд прапанаваў Мiнiстэрству фiнансаў прыняць меры па забеспячэнню выканання заканадаўства ў частцы прызнання страхавым выпадкам смерцi застрахаванай асобы на працягу тэрмiну страхавання, калi яна наступiла да заканчэння трох гадоў з моманту ўступлення дагавора страхавання ў сiлу, а таксама прыняць аналагiчнае рашэнне ў адносiнах да добраахвотнага страхавання дадатковай пенсii.

Л. МУРАШКА,

памочнiк Старшынi Канстытуцыйнага Суда.