Здаць — можна. Прадаць — таксама...

Источник материала:

Кватэрнае пытанне

З.Е. Лобан, г. Рэчыца.

У дадзеным выпадку жылы дом з’яўляецца прыватнай уласнасцю (атрыманай у вынiку прыняцця спадчыны) заяўнiцы, якая пражывае ў iншым населеным пункце. Па закону ўласнiк самастойна ажыццяўляе правы валодання, карыстання i распараджэння домам, якi належыць яму, у адпаведнасцi з яго прызначэннем. Пры неабходнасцi, калi ўласнiк сам не карыстаецца дадзеным жылым памяшканнем, ён можа здаць яго ў наём iншым грамадзянам для пражывання на падставе дагавора, альбо зрабiць яго адчужэнне (у прыватнасцi, падарыць, прадаць i iнш.).

Дом можа быць прададзены як грамадзянам, так i прадпрыемствам, арганiзацыям па дагаворных цэнах. У той жа час заканадаўства не змяшчае спецыяльных нормаў, якiя абавязваюць мясцовыя выканаўчыя i распарадчыя органы выкупляць у грамадзян жылыя дамы, якiя належаць iм на праве ўласнасцi.

Што датычыцца пытання аб выплаце кампенсацыi, то, згодна з Дэкрэтам Прэзiдэнта Рэспублiкi Беларусь ад 4 чэрвеня 1997 г. № 13 «Аб упарадкаваннi выплаты грашовых кампенсацый за маёмасць, якая знаходзiцца на тэрыторыi радыеактыўнага забруджвання», у сувязi з завяршэннем абавязковага адсялення грамадзян з найбольш забруджаных радыенуклiдамi тэрыторый у мэтах рацыянальнага выкарыстання сродкаў, якiя выдзяляюцца на лiквiдацыю наступстваў катастрофы на Чарнобыльскай АЭС, спынена выплата грамадзянам грашовых кампенсацый:

за страчаную ў сувязi з перасяленнем маёмасць i звязаныя з пераездам з населеных пунктаў, якiя знаходзяцца ў зоне з правам на адсяленне, расходы;

за страчаную ў сувязi з перасяленнем маёмасць, якая знаходзiцца ў зоне пражывання з перыядычным радыяцыйным кантролем, дзе доза апраменьвання перавышае 1 мЗв (0,1 бэр) у год;

за маёмасць, якая знаходзiцца ў зоне з правам на адсяленне, атрыманую ў спадчыну або па iншых падставах, прадугледжаных дзеючым заканадаўствам.