Дзякуючы старастам глыбiнка прыгажэе

Источник материала:

СВАЕ СЯРОД СВАIХ

Кажуць, Малаковiч для людзей нiбы тая «хуткая дапамога»: i наконт тэлефанiзацыi паклапоцiцца, i пра начное асвятленне вулiц узгадае, i пра работу ФАПа. Калi ж палiчыць, што ў нейкiх пытаннях яго намаганнi не дасягаюць мэты, звяртаецца па дапамогу ў сельсавет цi ў райсавет дэпутатаў, дзе да просьбаў i заўваг старасты абавязкова прыслухаюцца.

На сваiм «жыгулёнку» Уладзiмiр Несцеравiч абкалясiў увесь сельсавет — дапамагае вяскоўцам дабiрацца да райцэнтра ў бальнiцу цi за нейкай даведкай, а таксама арганiзоўвае людзей на добраўпарадкаванне пасёлка.

Увогуле, ролю дэпутатаў мясцовых Саветаў i органаў грамадскага тэрытарыяльнага самакiравання (старастаў населеных пунктаў, членаў дамавых i вулiчных камiтэтаў гарадскога пасёлка i г.д.) у добраўпарадкаваннi адпаведных тэрыторый нельга недаацэньваць.

Толькi ў райцэнтры сёлета адрамантавана больш за кiламетр агароджаў i ўстаноўлена каля кiламетра новых, пасаджана больш як 150 дрэў i 500 дэкаратыўных кустоў, знесена 30 аварыйных дрэў, зроблены касметычны рамонт брацкiх магiл, прыведзены ў парадак усе месцы пахаванняў мiрных жыхароў. У сельскай мясцовасцi, дзякуючы дэпутацкаму актыву i старастам, абследавана каля трох тысяч прыватных падворкаў, i амаль палове iх уладальнiкаў выдадзены прадпiсаннi — навесцi парадак. Iх (колькасцю 120) атрымалi таксама кiраўнiкi суб’ектаў гаспадарання, якiя знаходзяцца на падведамнай тэрыторыi.

Стараста вёскi Заазер’е Iван Калiценя, чый падворак прызнаны тут лепшым, таксама наведаў кожнага домаўладальнiка i папярэдзiў аб неабходнасцi ўборкi прыдваровых тэрыторый, арганiзаваў работу па замене 300 метраў агароджы. А дэпутат гэтага ж, Ламавiцкага сельсавета, дырэктар Ламавiцкай сярэдняй школы Мая Есiповiч арганiзавала педкалектыў i вучняў на добраўпарадкаванне школьнай тэрыторыi, вясковых вулiц. Нельга не сказаць i пра дэпутата Парэцкага сельскага Савета Людмiлу Куляшэўскую. Сама школа, дзе яна працуе дырэктарам, з’яўляецца своеасаблiвым эстэтычным цэнтрам вёскi. Сёлета на яе тэрыторыi з’явiлася мiнi-сажалка, высаджаны былi дэкаратыўныя кусты, разбiты клумбы i г.д. Дагледжанасцю вызначаецца i тэрыторыя сельскай бальнiцы, якую ўзначальвае дэпутат Парэцкага сельскага Савета Данута Астапава.

Пераможцамi ж сярод вулiчных i дамавых камiтэтаў райцэнтра i старастаў сельскiх населеных пунктаў (а яны вызначаюцца штоквартальна) прызнаюцца тыя, чые тэрытарыяльныя акругi, вёскi i пасёлкi найбольш адпавядаюць патрабаванням санiтарных, жыллёва-камунальных i архiтэктурных службаў.

Пераможцы спаборнiцтва атрымлiваюць грашовае ўзнагароджанне ў памеры базавай велiчынi. Яно выплачваецца з фонду раённага Савета дэпутатаў.