Чужыя камянi ў тваiм агародзе

Источник материала:

Погляд

Небывалы скандал, якi днямi разгарэўся памiж Расiяй i Вялiкабрытанiяй, расставiў кропкi над вядомай лiтарай. Федэральная служба бяспекi РФ выкрыла групу брытанскiх шпiёнаў, якiя працавалi пад прыкрыццём пасольства i кантактавалi з расiйскiмi праваабаронцамi. «Мы сталi сведкамi не толькi разведдзейнасцi грамадзян Вялiкабрытанii, але i фiнансавання iмi няўрадавых арганiзацый. Нас абурае гэта сiтуацыя», — заявiў старшыня палаты Барыс Грызлоў. I яго падтрымлiваюць вельмi многiя парламентарыi. Бяззменны лiдар ЛДПР Уладзiмiр Жырыноўскi нават запатрабаваў ад Англii кампенсацыю ў 100 мiльёнаў фунтаў стэрлiнгаў i ад расiйскага ўрада — «выкiнуць за межы краiны ўсiх англiйскiх дыпламатаў, заўважаных у шпiянажы i сумнiўных кантактах».

Лiдар думскай фракцыi «Радзiма» Дзмiтрый Рагозiн ужо бачыць каля 10 няўрадавых арганiзацый, якiя можна ўключыць у «чорны спiс» за супрацоўнiцтва з заходнiмi разведкамi. Дэпутаты плануюць накiраваць адпаведныя дакументы ў Генпракуратуру. Рагозiн таксама адзначыў, што зараз ёсць падстава, каб паставiць пытанне аб забароне дзейнасцi шэрагу НУА, якiя выкарыстоўваюць iнфармацыю, якая не праверана i кампраметуе краiну. «Там, дзе ёсць iнфармацыя, што людзi жульнiчаюць на грошы ворагаў краiны, рэакцыя павiнна быць адпаведнай», — заявiў дэпутат.

Нагадаем, што сярод тых, каго аператыўнiкi ФСБ абвiнавацiлi ў шпiянажы, апынуўся сакратар дыппрадстаўнiцтва Вялiкабрытанii Марк Доў. Падазрэнне ў супрацоўнiцтве з брытанскiмi агентамi пала i на расiйскiх праваабаронцаў. Так, па некаторых звестках, у кастрычнiку 2004 года Маскоўская Хельсiнкская група атрымала 23 тысячы фунтаў стэрлiнгаў у якасцi гранта на супрацоўнiцтва з Цэнтрам па правах чалавека ва унiверсiтэце Эсекса. Дзiўнае супадзенне, але плацежныя дакументы былi падпiсаны менавiта Маркам Доў...