Афiцыйнае пракурорскае папярэджанне

Источник материала:

Гэтую заяву агучыў на сустрэчы з журналiстамi Генеральны пракурор Беларусi Пётр Мiклашэвiч. У дакуменце падкрэслiваецца, што «iстотных парушэнняў выбарчага заканадаўства не дапушчана».

Хоць у органы пракуратуры паступiла каля 190 зваротаў са скаргамi на парушэнне закона з боку тых цi iншых кандыдатаў. Аднак Пётр Мiклашэвiч паведамiў: «Пракурорскiя праверкi, аналiз зваротаў у органы пракуратуры сведчаць, што грамадзянам, палiтычным партыям, iншым грамадскiм аб’яднанням, працоўным калектывам, iнiцыятыўным групам прадастаўлена рэальная магчымасць для свабоднага i ўсебаковага абмеркавання перадвыбарчых праграм кандыдатаў у прэзiдэнты, правядзення агiтацыi на сходах, мiтынгах i ў сродках масавай iнфармацыi».

Кiраўнiк рэспублiканскай Пракуратуры адзначыў, што «асобныя кандыдаты ў прэзiдэнты у мэтах прыцягнення да сябе дадатковай увагi падчас перадвыбарчай агiтацыi наўмысна здзяйсняюць процiзаконныя дзеяннi, заклiкаюць грамадзян да ўдзелу ў недазволеных масавых мерапрыемствах, прымушаюць праваахоўныя органы прымяняць адпаведныя законныя меры па спыненню процiпраўных дзеянняў».

Таму, як заявiў Пётр Мiклашэвiч, «пракуратура Беларусi папярэджвае, што статус кандыдата ў прэзiдэнты ў адпаведнасцi з законам не вызваляе ад адмiнiстрацыйнай i крымiнальнай адказнасцi за парушэнне ўстаноўленага парадку арганiзацыi i правядзення масавых мерапрыемстваў, незаконную арганiзацыю групавых дзеянняў, якiя парушаюць правапарадак». У заяве падкрэслiваецца, што «праваахоўнымi органамi кожны факт парушэння закона будзе рашуча спыняцца».