POST factum

Источник материала:

Дзiўны спосаб пазбегнуць штрафу за няправiльную паркоўку прыдумала жыхарка ЗША. Каб адмазацца ад палiцэйскiх, яна прыкiнулася мёртвай.

Нейкая Кiмберлi Ду своечасова не аплацiла квiтанцыю, i тады агульную суму грашовага штрафу, разам з пеняй, павiнен быў вызначыць суд. Але напярэдаднi суддзi прыйшло пiсьмо, з якога служыцель Фемiды даведаўся, што адказчыца не можа прысутнiчаць на слуханнях па прычыне крайне сумных абставiнаў. Як стала вядома з паслання, няшчасная загiнула ў аўтамабiльнай аварыi. У пацвярджэнне слоў да пiсьма прыкладвалася выразка з мясцовай газеты з некралогам.

Прайшоў месяц, i палiцэйскiя зафiксавалi чарговае дарожна-транспартнае здарэнне. Расследуючы яго, ахоўнiкi правапарадку западозрылi нядобрае. Высветлiлася, што трагiчная гiсторыя з аварыяй, у якой быццам бы загiнула мiсiс Кiмберлi Ду, — не больш чым фантазiя жанчыны, якая не пажадала плацiць штраф. Цяпер эканомнай парушальнiцы пагражае штраф у памеры 5 тысяч долараў i пяць гадоў турмы за махлярства. I гэта замест 350 долараў штрафу за неаплачаную квiтанцыю.

ТЭОРЫЯ ДАРВIНА ЦI СВАБОДА СУМЛЕННЯ?

Школьнiца з Санкт-Пецярбурга абвiнавацiла мiнiстэрства адукацыi ў парушэннi сваiх грамадзянскiх правоў. Гэта парушэнне, на думку навучэнкi, заключаецца ў тым, што школьнiкам выкладаюць толькi эвалюцыянiсцкую тэорыю паходжання чалавека. Асуджэнню падверглiся, у прыватнасцi, падручнiкi бiялогii.

Паводле меркавання 15-гадовай жыхаркi Санкт-Пецярбурга Машы Шрайбер, якую падтрымаў яе бацька, выкладанне выключна дарвiнаўскай тэорыi «ўшчамляе свабоду сумлення i веравызнання, абвешчаную Канстытуцыяй». Школьнiца лiчыць, што падручнiкi павiнны складацца такiм чынам, каб у iх былi прадстаўлены ўсе гiпотэзы паходжання жыцця на Зямлi, пачынаючы з тэорыi крэацыянiзму.

Гэта пытанне выклiкала шырокi водгук у мясцовай прэсе. Упершыню ў Расii, дзе з восенi будуць уведзены ўрокi рэлiгii, у грамадстве ўзнiкаюць пытаннi аб свецкiм характары дзяржавы i яе адносiнах да рэлiгii, аб матэрыялiзме i трансцэндэнтнасцi ў культуры i адукацыi.

Бацька i дачка Шрайберы пiшуць: «Мы адстойваем права вучыцца ў рэальна плюралiстычнай школе, дзе будуць прадстаўлены ўсе погляды на жыццё, мы не можам прымаць толькi аднабаковыя тэорыi, як гэта было пры камунiзме. Расiя, вiдаць, актыўна рухаецца па шляху новага таталiтарызму». У iх падтрымку выступае мiтрапалiт Уладзiмiр, вышэйшая асоба ў царкоўнай iерархii Санкт-Пецярбурга. Дарэчы, у судзе Машу будуць прадстаўляць тры адвакаты: мусульманiн, iудзей i хрысцiянiн.

У ВЯЛIКАБРЫТАНII ЗАПЛАЦЯЦЬ 300-ГАДОВЫ ШТРАФ

Брытанскi паб «Лебедзь» з горада Iпсвiч павiнен заплацiць штраф за забойства, учыненае ў яго сценах у 1664 годзе. Аб гэтым паведамiла днямi газета «Таймс». Запiс аб накладаннi штрафу быў знойдзены пры разборы старадаўніх рэгiстрацыйных кнiг у гарадской царкве.

За тое здарэнне, паводле рашэння гарадскога суда, паб павiнен быў ахвяраваць 40 шылiнгаў на набыццё вугалю для бедных у дзень святога Томаса, аднак так i не зрабiў гэтага. Трэба сказаць, што ў 1664 годзе 40 шылiнгаў складалi даволi ўнушальную суму — такой была сярэдняя паўгадавая зарплата рабочага. Аднак на сённяшнi дзень гэта сума прыблiзна роўная 300 доларам.

Уладальнiкi «Лебедзя» Сiмон Трэнтэр i Пэм Вiлсан адразу ж згадзiлiся заплацiць штраф, калi даведалiся аб iм. «Нам вельмi падабаецца адчуваць сябе часцiнкай гiсторыi», — заявiлi яны.