Свята «альпiнiстаў» тэлебачання

Источник материала:

ЛЕПШАЯ

* праграма

iнфармацыйная — «Нашы навiны» (АНТ)

публiцыстычная — вiдэафiльм «Вяртанне» з цыкла «Раўнавага. Асяроддзе пражывання» (БТ)

пра культуру — «Вялiкi тэатр» (СТБ)

навукова-пазнавальная — «Залатое сячэнне» (БТ)

спартыўная — «Мужчынскi характар» (БТ)

музычная — «Сярэбраны грамафон» (АНТ)

забаўляльная — «Ранiца сталiцы» (СТБ)

для дзяцей — «Вас выклiкае Спартландыя» (БТ)

маладзёжная — «Зорны дылiжанс» (СТБ)

грамадска-палiтычная — «Панарама ў суботу» (БТ)

* вядучая

iнфармацыйнай праграмы — Калiна Вардомская («Нашы навiны» (АНТ)

ЛЕПШЫ

тэлевiзiйны мастацкi серыял — «Тры талеры» (кiнастудыя «Беларусьфiльм»)

тэлевiзiйны дакументальны фiльм — «Гiсторыя Перамогi» (АНТ)

тэлевiзiйны дызайн — афармленне праграм Першага Нацыянальнага тэлеканала

вядучы забаўляльнай праграмы — Ягор Хрусталёў (АНТ)

вядучы спартыўнай праграмы — Аляксандр Казюкевiч («Спартыўны алiмп», БТ)

рэпарцёр — Дзмiтрый Андрушын (прадстаўнiцтва тэлерадыёкампанii «Мир» у Беларусi)

рэжысёры — Надзея Гаркунова i Уладзiмiр Iсат (навагодняе шоу «У гасцях у Дзеда Мароза» на БТ)

аператар — Iгар Бышнёў (прадстаўнiцтва тэлерадыёкампанii «Мир» у Беларусi)

сцэнарыст — Юрый Казiятка (праект «Раз’яднаныя штаты Еўропы» на АНТ)

рэгiянальны праект года — «Жывi рэальна» (Светлагорская тэлерадыёкампанiя «Ранак»).

ГРАН-ПРЫ

Атрымаў лепшы тэлевiзiйны праект года — гала-канцэрт «За Беларусь!» (АНТ).

ЗАПОМНIЛIСЯ

Тыя, хто ўзнагароджваў...

Павел Якубовiч, галоўны рэдактар газеты «Советская Белоруссия», уручаючы прэмiю ў намiнацыi «Лепшая iнфармацыйная праграма», сказаў:

— Кароткасць — сястра таленту, але вораг ганарару. Рэпарцёры — чорнарабочыя эфiру, якiя служаць яго вялiкасцi Факту.

Аляксандру Карпаву, мастацкаму кiраўнiку РУП «Вiдэацэнтр», тэлерэжысёру давялося ўзнагароджваць пераможцаў у намiнацыi «Лепшая публiцыстычная праграма»:

— У мяне спыталiся, чаму я ва ўсiм чорным. Адказваю: таму што скончылася свята, а гэта было сапраўдным святам — праглядаць тыя праграмы, якiя былi прадстаўлены на конкурс, — цудоўныя, павучальныя. «Публiцыстычны» — значыць для публiкi, звернуты да сэрцаў.

Тыя, хто атрымлiваў узнагароду...

Вера Палякова, вядучая лепшай забаўляльнай праграмы «Ранiца сталiцы»:

— Так прыемна на Першым Нацыянальным тэлеканале сказаць... што СТБ — лепшы канал у свеце!

Iрына Якаўлева, вядучая праграмы «Панарама ў суботу»:

— Па суботах у нас няма выхадных, але мы аб гэтым зусiм не шкадуем. Цяпер вы разумееце чаму!

Дзмiтрый Андрушын (лепшы рэпарцёр):

— Спачатку я быў дызайнерам, потым iнжынерам. Спынiўся ўсё ж такi на прафесii рэпарцёра. Менавiта тут я знайшоў баланс памiж творчасцю i рамяством, сферу, у якой можна даследаваць сябе.

Юрый Казiятка, лепшы сцэнарыст:

— Мой 5-гадовы сын, калi даведаўся, што я iду на «Тэлевяршыню», успомнiў свае ўражаннi ў мiнулым годзе i сказаў: «Тата, табе там дадуць карцiну i палачку!» (статуэтку i дыплом — заўв. аўтара).

Атрымаўшы прэмiю, Юрый Казiятка сказаў, што лепшы сцэнарыст — усё ж такi .жыццё

ВIНШАВАЛI

Мiнiстр iнфармацыi Уладзiмiр Русакевiч:

— Знамянальна, што вынiкi падводзяцца ў юбiлейны для беларускага тэлебачання год — яму споўнiлася 50. На сённяшнi дзень тэлебачанне — адна з самых важных, дакладных i ўплывовых крынiц iнфармацыi, што пацвердзiлася падчас выбараў. Развiваецца яна дзякуючы таленту, працавiтасцi i патрыятызму сваiх супрацоўнiкаў.

Старшыня журы конкурсу генеральны дырэктар кiнастудыi «Беларусьфiльм» Аляксандр Яфрэмаў, заслужаны дзеяч мастацтваў РБ:

— Мастацтва бязлiтаснае i жорсткае: вельмi шмат патрабуе ад чалавека, а ў першую чаргу вымагае прысутнасцi асобы, iндывiдуальнасцi. Любы факт, любое паведамленне, пазбаўленыя асабiстай ацэнкi, мёртвыя. Вiншую тых, хто ўзбег, узабраўся, ускараскаўся на тэлевяршыню! Самае галоўнае, чаго хачу пажадаць вам i тым, хто пакуль толькi марыць пра пакарэнне гэтай вяршынi, памятаць пра нас, вашых телегледачоў.