Па палiтычных матывах студэнты адлiчаны не будуць

Источник материала:

— Па палiтычных матывах студэнты ў нашай краiне адлiчвацца не будуць, — сказаў саветнiк мiнiстра адукацыi па сувязях са сродкамi масавай iнфармацыi i грамадскасцю Вiктар IЎЧАНКАЎ. — Дэканаты i рэктараты зараз разбiраюцца: чаму маладыя людзi пайшлi на мiтынг i цi мелi яны нейкiя праблемы да гэтага. Улiчваецца, канешне, i рашэнне суда, i мера пакарання, тым не менш, адказваць чалавек будзе толькi за сваю акадэмiчную паспяховасць, за наведванне заняткаў, але нi ў якiм разе не за ўдзел у палiтычнай акцыi. Пакуль адлiчаных няма. Хоць сам факт удзелу ў несанкцыянаваным мiтынгу — ёсць парушэнне статута, якi дзейнiчае ў любой навучальнай установе, i правапарадку. Канешне, калi суд выносiць вердыкт аб вiне таго цi iншага студэнта, гэта павiнна стаць прадметам абмеркавання i ў студэнцкай групе, i ў дэканаце, i на факультэце. Бо мы павiнны падпарадкоўвацца тым законам, якiя ў нас дзейнiчаюць, i перш за ўсё — студэнты, як носьбiты iнтэлектуальнай моцы дзяржавы, як людзi, якiя ўваходзяць у iнтэлектуальную элiту. Яны сваiм прыкладам павiнны навучаць iншых людзей пачуццю патрыятызму, грамадзянскай пазiцыi. У наш час блытаюцца паняццi грамадзянскай i асабiстай пазiцый. Тым не менш, палiтыка павiнна стаяць асобна ад навучальных устаноў, бо даваць веды — вось першае, чым павiнна займацца навучальная ўстанова. Разам з тым, яна фармiруе грамадзянскую пазiцыю таго цi iншага чалавека, i ў гэтым выпадку ўдзел студэнтаў у процiзаконнай нейкай акцыi — гэта паказчык таго, што ў навучальнай установе ёсць над чым працаваць.