Здаровае харчаванне з малымi «святамi»

Источник материала:

Iнфарм-укол

Многiя дыетолагi раяць не адступаць ад прынцыпу 90:10 — 90 працэнтаў карысных прадуктаў i 10 працэнтаў любiмых прысмакаў. Калi немагчыма абысцiся без нейкай ежы, няхай нават i шкоднай, трэба дазволiць сабе яе ў разумнай колькасцi. Але пасля адпрацаваць: схадзiць лiшнi раз у спортзалу, прабегчы ранiцай, працягнуць час ранiшняй зарадкi, прайсцiся пешшу да метро.

СЦIПЛАЯ КАРЫСНАСЦЬ ПIВА

Пiва змяшчае складаныя вугляводы i даволi мала цукраў. Гэта абсалютна не значыць, што дадзены напой — каштоўная крынiца карысных рэчываў.

Пачуццё сытасцi, якога мы чакаем ад вугляводнай ежы, прыходзiць, дзякуючы засваенню тлушчаў, бялкоў i клятчаткi, а нiчога падобнага ў пiве няма. Вiтамiны i мiнеральныя рэчывы прысутнiчаюць, але ў надта невялiкай колькасцi. Вы скажаце, што пiва — зерневы прадукт, звараны з ячменю. Сапраўды, але не блытайце яго з ячневай кашай цi пахлёбкай. Яшчэ да варкi зерне праходзiць асаблiвую цеплавую апрацоўку, падчас якой вылучаюцца цукры, якiя пазней ператвараюцца ў спiрты. У проста звараным ячменi будзе на чвэрць больш калорый, але затое i клятчатка, а таксама цынк, жалеза i калiй. У пiве iх застаецца мiнiмум. Адно толькi i радуе: калi пiць яго ў разумных прапорцыях, то многа лiшнiх калорый не атрымаеш. Светлае пiва, дарэчы, на 10 працэнтаў менш каларыйнае за цёмнае.

ДОБРЫ ТОН НА КУХНI ПА-РУСКУ

Iмкнiцеся чаргаваць стравы. За мясным супам павiнна iсцi гарачае з рыбы цi гароднiны, а калi вячэру вы пачнеце з грыбной закускi, асноўная страва не павiнна ўтрымлiваць грыбы нi ў якiм выглядзе. Прэснае — пранае, раслiннае — жывёльнае, смажанае — адваранае. У гэтым сэнс чаргавання.

У дваранскай кухнi iснавала яшчэ адна традыцыя: каляровая разнастайнасць у талерках. Так, падаваць светлую бульбу цi рыс да рыбы або курыцы лiчылася недапушчальным — iм больш падыходзiць яркая гароднiна (таматы, перац).

Нарэшце, выкарыстоўвайце на працягу дня не менш за тры спосабы апрацоўкi прадуктаў. Iншымi словамi, калi ранiцай была каша, а на абед вы елi суп i салату са свежай гароднiны, то на вячэру пажадана што-небудзь патушыць, прыгатаваць на пары, запячы, падсмажыць. Розныя вiды апрацоўкi прадуктаў не даюць страўнiку «засумаваць». Калi яму рэгулярна пастаўляць выключна вараную гароднiну, праз тыдзень ён прывыкне ператраўлiваць толькi яе.