Цi ўбачаць у Новым двары «Вылечванне каханнем»?

Источник материала:

Як патлумачыў выконваючы абавязкi генеральнага прадзюсара Першага нацыянальнага тэлеканала Аляксандр КАПЁНКIН, перанос таго цi iншага фiльма або перадачы, заяўленай у праграме, — гэта заўжды вымушаны крок. «Тэхнiчную прафiлактыку мы нiяк не ў стане абысцi, бо гэта залежыць нават не ад Белтэлерадыёкампанii, а ад Мiнiстэрства сувязi, якое праводзiць планавыя агляды абсталявання», — падкрэслiў Аляксандр Вiктаравiч.

У любым выпадку БТРК стараецца паказаць усе серыi — не ўвечары, дык ранiцай у паўторы (час паказаў i паўтораў, дарэчы, вызначаецца паводле аналiзу пераваг аўдыторыi — гэта значыць, улiчваюцца iнтарэсы большай часткi патэнцыяльных гледачоў). Той жа серыял «Вылечванне каханнем» за апошнi час пераносiўся ўсяго некалькi разоў: з-за трансляцыi важнейшых матчаў чэмпiянату свету па хакею. Дарэчы, як мiнiмум за 2—3 гадзiны да прамых трансляцый спартыўных спаборнiцтваў праз кожныя 15 хвiлiн запускаецца «бягучы радок», якi iнфармуе гледачоў аб пераносе тых цi iншых праграм, фiльмаў.

I яшчэ адно важнае паведамленне для аматараў серыялаў, што iдуць у вячэрнi прайм-тайм. Нягледзячы на тое, што з 9 чэрвеня пачынаюцца трансляцыi чэмпiянату свету па футболу, для максiмальнай зручнасцi ўсiх гледачоў частка матчаў будзе перанесена з Першага нацыянальнага на тэлеканал «ЛАД».