Гульня да фiналу давядзе

Источник материала:

Мацнейшыя геймеры ў Брэсцкай i Гродзенскай абласцях былi вызначаны раней за ўсiх. У мiнулыя выхадныя сталi вядомыя таксама лiдары адбораў у Гомелi, Вiцебску i Магiлёве. Пераможцы ў кожнай з названых дысцыплiн атрымалi квоты на мiнскiх адборачных гульнях i аплачаны праезд у сталiцу. Уладальнiкi 2-га i 3-га месцаў дапушчаны да мiнскага адбору, але дабiрацца на спаборнiцтвы будуць самастойна. Дарэчы, да ўдзелу будуць дапушчаны толькi iгракi, якiя пройдуць папярэднюю Iнтэрнэт-рэгiстрацыю на сайце www.samsung.by i прад’явяць пашпарт, а калi геймеру няма 16 гадоў, — пiсьмовы дазвол ад бацькоў.

22—23 лiпеня пераможцы ўсiх рэгiянальных турнiраў збяруцца разам у сталiцы. Па вынiках мiнскiх адборачных гульняў будуць адабраны па 4 лепшыя iгракi i каманды ў кожнай дысцыплiне. Пазней гэтыя геймеры сустрэнуцца ў нацыянальным фiнале i пазмагаюцца за першае месца — i, адпаведна, права прадстаўляць нашу краiну на WCG 2006 (Grand Final чэмпiянату адбудзецца ў iтальянскiм горадзе Монца).

На сёння, нагадаем, Сусветныя камп’ютарныя гульнi — гэта буйнейшы ў свеце фестываль па камп’ютарных вiдах спорту, прэстыжны i з вялiкiм прызавым фондам. WCG праходзiць па iнiцыятыве Паўднёвай Карэi з 2000 года i мае падтрымку буйнейшых IT-кампанiй. Летась у фiнале Сусветных камп’ютарных гульняў выступалi каля 700 кiберспарстменаў з 67 краiн свету. Беларусь сёлета возьме ўдзел у WCG 2006 у другi раз i, хочацца спадзявацца, палепшыць свой леташнi рэйтынг.