Моладзь памежных дзяржаў зноў сустракаецца на Кургане Дружбы

Источник материала:

У гэтым годзе заснавальнiкi лагера прадставяць гасцям i ўдзельнiкам новую цiкавую праграму. Так, у лагеры пройдзе песенны фестываль «Бе-Lа-Русские зори», адбудзецца «круглы стол», дыскусiя «Якiм мы бачым будучае лагера «Бе-Lа-Русь», конкурсная праграма «Латвiя вачамi замежных гасцей» i iнш. На працягу чатырох дзён юнакi i дзяўчаты будуць спаборнiчаць у сiле, спрытнасцi i хуткасцi ў розных спартыўных мерапрыемствах. Напрыклад, iм трэба будзе вызначыць мацнейшую каманду ў футболе, валейболе, перацягваннi каната i сiлавым мнагабор’i, а таксама прайсцi жартаўлiвую эстафету «мяшочныя баi».

Яркай падзеяй стане грандыёзны феерверк i творчае прадстаўленне дэлегацый краiн-удзельнiц на афiцыйным адкрыццi лагера, расказаў Дзмiтрый Ждановiч.

Мерапрыемства праводзiцца з мэтай рэалiзацыi праграм маладзёжнага мiжнароднага супрацоўнiцтва, а таксама ўмацавання i развiцця сяброўскiх кантактаў памiж маладзёжнымi арганiзацыямi трох краiн.

Паводле слоў Дзмiтрыя Ждановiча, у самой назве гэтага лагера, якая складаецца з першых складоў назваў трох краiн, закладзе iдэя адзiнства моладзi памежных дзяржаў, прадаўжэння традыцый старэйшых пакаленняў. У гэтым годзе, як i ў папярэднiя, мiжнародны маладзёжны лагер традыцыйна пройдзе на гiстарычным месцы пад назвай Курган Дружбы. Курган быў насыпаны ў 1959 годзе ў памяць аб баявой садружнасцi партызан Беларусi, Латвii i Расii. На вяршынi Кургана расце дуб, якi сiмвалiзуе добрасуседскiя адносiны трох народаў. На гэтым месцы штогод праходзiць традыцыйная сустрэча ветэранаў Вялiкай Айчыннай вайны Беларусi, Расii i Латвii, прысвечаная сумеснай барацьбе жыхароў трох некалi саюзных рэспублiк за вызваленне тэрыторыi ад нямецка-фашысцкiх захопнiкаў.

Арганiзатарамi лагера выступiлi грамадскае аб’яднанне «Саюз за прагрэс моладзi Латвii», ЦК грамадскага аб’яднання «Беларускi рэспублiканскi саюз моладзi» i ЦК усерасiйскай грамадскай арганiзацыi «Расiйскi саюз моладзi».