Хроніка апошніх падзей

Источник материала:

Палiтычны крызiс ва Украiне затухае. Прэзiдэнт краiны Вiктар Юшчанка не рашыўся распусцiць Вярхоўную Раду i пагадзiўся прадставiць у парламент кандыдатуру Вiктара Януковiча на пасаду прэм’ер-мiнiстра.

Увечары адбылося падпiсанне Унiверсала нацыянальнага адзiнства. Свае подпiсы пад дакументам паставiлi прэзiдэнт, спiкер, в.а. прэм’ера Еханураў i лiдары ўсiх парламенцкiх фракцый, акрамя Юлii Цiмашэнка. БЮЦ вырашыў пайсцi ў жорсткую апазiцыю. Прадстаўнiкi блока заявiлi, што фракцыя не будзе браць удзел у пасяджэннях парламента i не будзе галасаваць па кандыдатуры прэм’ера.

ЗША рыхтуюцца да звяржэння Кастра?

У кангрэсе ЗША днямi быў прадстаўлены законапраект, якi прадугледжвае выдаткаванне на працягу блiжэйшых двух гадоў 80 мiльёнаў долараў на «падтрымку антыкастраўскiх сiл». Такiм чынам амерыканскiя заканадаўцы адрэагавалi на сiтуацыю, звязаную са станам здароўя Фiдэля Кастра пасля перанесенай iм аперацыi i часовай перадачай улады яго брату Раулю.

У законапраекце гаворыцца, што на атрыманне амерыканскай дапамогi могуць разлiчваць кубiнскiя дысiдэнты, прадстаўнiкi праваабарончых арганiзацый, журналiсты, урачы, работнiкi бiблiятэк i нават эканамiсты.

У Кiтаi забаранiлi вызначаць пол будучага дзiцяці

Кiтайскiм урачам забаранiлi вызначаць пол будучага дзiцяцi пры абследаваннi цяжарных жанчын.

Згодна з новым загадам мiнiстэрства аховы здароўя, ва ўсiх мед-установах краiны забаронена правядзенне ультрагукавога даследавання з мэтай вызначэння пола будучага дзiцяцi. Для гэтага спатрэбiцца наяўнасць адпаведных медыцынскiх паказанняў.

Кiтайцы аддаюць перавагу нараджэнню сыноў, бо па традыцыi дочкi пакiдаюць сям’ю пасля шлюбу, што пагражае стратай працоўных рук. Многiя жыхары краiны, асаблiва ў сельскiх раёнах, нярэдка перарываюць цяжарнасць, калi даведваюцца, што выношваюць дзяўчынку. Сёння ў краiне ўтварыўся значны дысбаланс палоў.

Датчанам i шведам давядзецца абыходзiцца без парфумы

У хуткiм часе ўлады Данii i Швецыi ўвядуць забарону на карыстанне парфумай у грамадскiх месцах.

У Данii гэта забарона ў першую чаргу будзе датычыцца наведвальнiкаў i супрацоўнiкаў гарадскiх i раённых упраў, а ў Швецыi — пасажыраў грамадскага транспарту. Акрамя таго, надушаным шведам збiраюцца забаранiць «забруджваць паветра» бальнiц i жыллёвых кантор. Процiстаянне з парфумерамi распачалi алергiкi. У Швецыi некалькi гадоў таму адбыўся судовы працэс над жанчынай, якая даймала сваiх суседзяў, якiя пакутавалi ад алергii, пахам ружавага алею i французскага дэзадаранта. Жанчыну асудзiлi. У грамадскiм транспарце аматарам водараў даўно адведзены месцы на задняй пляцоўцы. Больш таго, барацьба з пахамi закранула нават водары натуральнага паходжання. У прыватнасцi, ружы, якiя прадаюць у Стакгольме, стойкiя i прыгожыя, але пры гэтым практычна не пахнуць.