Вучыцца ў лепшых, каб стаць лепшымi

Источник материала:

Лiлiя АНАНIЧ — першы намеснiк мiнiстра iнфармацыi Беларусi:

— На сённяшнi дзень, Беларусь i Расiя ўзаемадзейнiчаюць ва ўмовах адзiнай iнфармацыйнай прасторы, якая працягвае фармiравацца i ўдасканальвацца.

Перад беларускай прэсай сёння стаiць актуальнае пытанне выхаду на расiйскi рынак, перад беларускiмi распаўсюджвальнiкамi — пытаннi ўкаранення новых формаў работы, i мы бачым, што такi вопыт ужо накоплены расiйскiмi калегамi. Разам з тым, мы захавалi цэласную сiстэму распаўсюджвання СМI, якую у Расii зараз вымушаны аднаўляць, а гэта патрабуе часу, сродкаў, i, зноў-такi, вопыту.

Рынак прэсы развiваецца, i мы бачым, што ўмовы выхаду на яго новых выданняў у Расii i Беларусi — розныя. Нашы масавыя выданнi больш арыентаваныя на распаўсюджванне па падпiсцы, i недаацэньваюць ёмкую нiшу рознiчнага продажу. У той жа час выдавецтвы суседнiх краiн, прадстаўляючы разнастайную прадукцыю праз беларускую сетку распаўсюджвання, маюць тут шырокае кола прыхiльнiкаў i iмкнуцца пашырыць сваю прысутнасць. Вiдавочна, што рынак патрабуе ад айчынных выданняў i выдавецтваў большай гiбкасцi, больш шырокага i разнастайнага асартыменту, новых праектаў...

Вiталь ВАДЗЮЦIН — генеральны дырэктар ТАА «Юнiсэрвiс-прэс», г. Масква:

— Калi ацэньваць работу першага дня семiнара, то мы як арганiзатары з задавальненнем можам канстатаваць, што мерапрыемства ўдалося. Шчыра кажучы, мы разлiчвалi, што праходзiць яно будзе больш сцiпла, асаблiва ўлiчваючы той кароткi час, у якi былi праведзены падрыхтоўчыя работы. Тут трэба адзначыць грунтоўнасць падыходу i вялiкую зацiкаўленасць, праяўленую беларускiмi калегамi.

Мэтай семiнара мы ставiлi аб’яднанне выдаўцоў i распаўсюджвальнiкаў Расii, Беларусi, Украiны для наладжвання кантактаў, абмену вопытам. Яшчэ адна важная мэта — распрацоўка рэкамендацый па унiфiкацыi заканадаўчай базы ў частцы распаўсюджвання СМI. Сёння на беларускiм рынку створаны больш спрыяльныя ўмовы для работы расiйскiх выдаўцоў, чаго нельга сказаць пра рынак Расii ў адносiнах да беларускiх...