Уласнасць на дом

Источник материала:

Тры гады таму мы з мужам развялiся, быў таксама суд па раздзелу сумесна нажытай маёмасцi, у тым лiку дома, якi мы пабудавалi за гады шлюбу. Цяпер былы муж мае другую сям’ю i пагаворвае, што хоча прадаць сваю частку дома. Растлумачце, цi мае ён права зрабiць гэта без згоды сына (яму дзевяць гадоў), калi не, то як гэту згоду ён павiнен афармляць, i яшчэ — цi мае права сын на якую-небудзь долю дома.

Камарова Л.Г., Баранавiцкi раён.

Згодна з пiсьмом, раздзел дома i iншай маёмасцi памiж вамi i былым мужам ужо адбыўся i праходзiў ён у судовым парадку. Значыць, для таго, каб даведацца, хто i ў якой долi мае права ўласнасцi на жылы дом, вам трэба зазiрнуць у рашэнне суда i рэгiстрацыйныя дакументы на дом. Сын у гэтых дакументах уласнiкам не ўказваецца. Гэта i ёсць адказ на ваша пытанне аб долi сына ў праве ўласнасцi на жылы дом. Паколькi сын па малалетству не прымаў удзелу ў стварэннi ўласнасцi (пабудове дома), то ён не можа быць яго ўласнiкам. Згодна з артыкулам 116 Жыллёвага кодэкса Рэспублiкi Беларусь i артыкулам 192 Кодэкса Рэспублiкi Беларусь аб шлюбе i сям’i, сын, як непаўналетнi член сям’i ўласнiка, мае роўнае з iм права карыстання жылым памяшканнем, але не права ўласнасцi. У будучым ён мае права атрымаць у спадчыну маёмасць бацькi ў лiку iншых спадчыннiкаў па закону першай чаргi.

Згоду сына на продаж сваёй часткi дома, якая была выдзелена былому мужу ва ўласнасць пры раздзеле маёмасцi, ён атрымлiваць не павiнен, паколькi сын з’яўляецца непаўналетнiм, а такая згода патрабуецца толькi ад паўналетнiх членаў сям’i ўласнiка. Але, у адпаведнасцi з часткай 2 артыкула 123 Жыллёвага кодэкса, адчужэнне жылога памяшкання, у якiм пражываюць непаўналетнiя члены сям’i ўласнiка, дапускаецца толькi са згоды органаў апекi i папячыцельства, ролю якiх выконваюць раённыя аддзелы адукацыi мясцовых распарадчых i выканаўчых органаў па месцы жыхарства.

Акрамя таго, у сувязi з тым, што пры раздзеле захоўваецца права агульнай долевай уласнасцi на падсобныя памяшканнi, пры заключэннi дагавора куплi-продажу павiнны захоўвацца патрабаваннi артыкула 253 Грамадзянскага кодэкса РБ аб пераважным праве набыцця долi ў праве агульнай уласнасцi. У адпаведнасцi з гэтым артыкулам, пры продажы сваёй долi ў праве агульнай уласнасцi пабочнай асобе ваш былы муж павiнен паведамiць вам аб гэтым у пiсьмовай форме з указаннем кошту i iншых умоў, на якiх прадае сваю долю. Вы маеце пераважнае права набыць прадаваемую долю за той кошт, па якому яна прадаецца, i на iншых роўных умовах. Калi вы гэтым правам не скарыстаецеся на працягу месяца з дня паведамлення, былы муж мае права прадаць сваю долю любой асобе.