Пенсii «абгоняць» рост цэн. Прынамсi, у паўтара раза

Источник материала:

Як заўважыў намеснiк мiнiстра працы i сацыяльнай абароны Валяр’ян Кароль, паступовае старэнне насельнiцтва заўсёды мае медыцынскiя, эканамiчныя i сацыяльныя наступствы, а таксама прымушае шукаць новыя формы дапамогi грамадзянам у паважным узросце.

У снежнi мiнулага года ў краiне была зацверджана дзяржаўная праграма сацыяльнай падтрымкi пажылых людзей, ветэранаў i асоб, што пацярпелi ад наступстваў войнаў, на 2006—2010 гады. Зараз такая падтрымка ў асноўным прадастаўляецца па «выяўнаму» прынцыпу — па вынiках спецыяльных абследаванняў на даму.

Як нагадаў Валяр’ян Кароль, некалькi гадоў запар у кожным раёне Беларусi працуюць тэрытарыяльныя цэнтры сацыяльнага абслугоўвання насельнiцтва. Аднак гэта можна назваць толькi першым крокам. Крок другi — стварэнне фiлiялаў цэнтраў сацыяльнага абслугоўвання ў аграгарадках, буйных пасёлках i вёсках. Сёння ў краiне працуюць 82 падобныя фiлiялы. Прычым, каб наблiзiць дапамогу «да месца жыхарства», такая работа працягнецца i надалей.

Дарэчы, аб запатрабаванасцi цэнтраў сведчыць толькi адзiн факт — на працягу мiнулага года па матэрыяльную, псiхалагiчную цi юрыдычную дапамогу сюды звярнулiся амаль 1,4 млн беларусаў. I ў тым лiку 74,6 тыс. састарэлых грамадзян i iнвалiдаў пастаянна карыстаюцца паслугамi сацыяльных работнiкаў на даму. Мiж тым, зазначаюць у мiнiстэрстве, апошнiм часам тэрытарыяльныя цэнтры прапануюць усё новыя вiды падтрымкi — у прыватнасцi, паслугi «сацыяльных таксi», гаспадарчых брыгад, службы сядзелак, аддзяленняў кругласутачнага знаходжання.

Яшчэ адна заўсёды актуальная тэма для абсалютнай большасцi грамадзян пажылога ўзросту — пенсii. Як зазначыў Валяр’ян Кароль, сёлета працоўныя пенсii пераразлiчвалiся двойчы — з 1 студзеня i 1 мая. Адначасова рабiлiся павышэннi мiнiмальных пенсiй, а таксама надбавак i павышэнняў. У вынiку сярэднi рост пенсiйных выплат аказаўся 17,8 працэнта.

Такiм чынам, сёння сярэдняя пенсiя па ўзросту ў Беларусi складае 260,5 тыс. рублёў. Гэта адпавядае 121,6 долара, тады як, да прыкладу, пасля апошняга павышэння ў Расiйскай Федэрацыi — 115. Прычым, мяркуюць у мiнiстэрстве, не выключана, што чарговы пераразлiк пенсiй у нашай краiне можа адбыцца яшчэ ў гэтым годзе. А ў цэлым да канца 2010 года намiнальны памер пенсiй павiнен павялiчыцца ўдвая. Адначасова рост рэальных, з улiкам змянення цэн на тавары i паслугi, пенсiй за гэты ж перыяд павiнен скласцi прынамсi 1,5 раза.