РУП «Гомельтранснафта «Дружба» скарацiла сутачны аб’ём прапампоўвання нафты

Источник материала:

Паводле слоў Аляксандра Бардоўскага, прапарцыянальна знiзiўся сутачны аб’ём прапампоўвання нафты праз Беларусь у напрамку Польшчы i Украiны i «вельмi нязначна» — на Мазырскi НПЗ.

Чакаецца, што ў цэлым у 2006 годзе гомельскай «Дружбай» будзе транспартавана нафты прыкладна столькi ж, колькi i ў мiнулым годзе, або крыху менш — каля 80 млн тон, у тым лiку 50 млн тон — у заходнiм напрамку. У адносiнах да аб’ёмаў прапампоўвання нафты ў будучым годзе Аляксандр Бардоўскi адзначыў, што планы паставак складаюцца «Транснафтай» сумесна з нафтаздабыўнымi кампанiямi. РУП «Гомельтранснафта «Дружба» са свайго боку павiнна забяспечыць тэхнiчныя ўмовы транспарцiроўкi нафты ў аб’ёмах, не нiжэйшых за леташнiя. Астатняе залежыць ад экспарту, падкрэслiў спецыялiст.

Галоўны iнжынер паведамiў таксама, што спецыялiсты прадпрыемства прапанавалi расiйскiм калегам дапамогу ў лiквiдацыi дэфектаў на нафтаправодзе. Аднак пакуль расiйскi бок гэту прапанову не скарыстаў. Як паведамлялася раней, Растэхнагляд выдаў «Транснафце» прадпiсанне знiзiць цiск у нафтаправодзе ў сувязi з прадаўжэннем абследавання дэфектаў, выяўленых у вынiку аварыi. У сувязi з гэтым расiйская кампанiя ў кастрычнiку—снежнi гэтага года паставiць у Беларусь не 4 млн тон нафты, як планавалася, а 3 млн тон.