Дэпутаты сустрэлiся з прадстаўнiкамi офiса АБСЕ

Источник материала:

Прадстаўнiкоў офiса АБСЕ цiкавiлi законапраекты, якiя будуць разглядаць дэпутаты падчас гэтай восеньскай сесii, у прыватнасцi праекты законаў аб процiдзеяннi экстрэмiзму i апытаннях грамадскай думкi. Старшыня камiсii ПП НС па правах чалавека, нацыянальных адносiнах i сродках масавай iнфармацыi Юрый Кулакоўскi адзначыў, што законапраект «Аб процiдзеяннi экстрэмiзму», якi адправiла на дапрацоўку верхняя палата парламента, хутчэй за ўсё будзе прыняты яшчэ падчас гэтай сесii. Складаней з праектам закона, якi будзе рэгуляваць апытаннi грамадскай думкi. Паводле слоў дэпутата, ёсць канцэптуальная нязгода па асобных яго палажэннях з суб’ектам заканадаўчай iнiцыятывы. Ю. Кулакоўскi таксама адзначыў, што гэты дакумент «важны i тонкi», а таму неабходна як мага паўней улiчыць iнтарэсы ўсiх бакоў. Тым не менш ён не выключыў, што напрыканцы сесii i гэты законапраект будзе разгледжаны.

Пасля заканчэння сустрэчы кiраўнiк офiса АБСЕ ў Мiнску Окi Петэрсан адзначыў, што ў офiса АБСЕ ў Мiнску заўсёды былi добрыя перспектывы ў працы з беларускiм парламентам. Паводле яго слоў, сустрэча паказала, што з боку беларускага парламента iснуе зацiкаўленасць у вывучэннi вопыту парламенцкай дзейнасцi замежных краiн, у чым офiс АБСЕ можа аказаць пэўную дапамогу. У той жа час, пэўны беларускi вопыт можа быць карысны i iншым краiнам.