Добры чараўнiк — банк

Источник материала:

Як правiла, усе мы прывыклi атрымлiваць падарункi на свой дзень нараджэння, масу цёплых пажаданняў i, канешне, быць у цэнтры ўвагi. Беларускi Iндустрыяльны Банк адышоў ад звыклых стэрэатыпаў i на свой 15-ы дзень нараджэння вырашыў сам зрабiць падарунак.

Як сказала прэс-сакратар ААТ «Беларускi Iндустрыяльны Банк» Алена Наркевiч, мы вырашылi падарыць выхаванцам мiнскiх дзiцячых дамоў, прытулкаў, дзецям з малазабяспечаных сем’яў, дзецям-сiротам крыху цяпла, радасцi i... чарадзейства. 3 лiстапада 455 дзяцей не толькi паглядзелi спектакль «Жураўлiнае пер’е» паводле п’есы сусветна вядомага японскага драматурга Дзюндзi Кiнасiты, але i сустрэлiся з чалавекам, якi сам пiша казкi. Гэта — беларуская казачнiца Алена Масла.

I якое ж дзiцячае свята абыходзiцца без прысмакаў! Для гледачоў былi падрыхтаваны смачныя салодкiя падарункi. У Беларускiм Iндустрыяльным перакананы: станоўчыя эмоцыi, добры настрой дзяцей у будучым абавязкова вернецца бумерангам дабра i свята.