Тры перыяды «Юнацтва»

Источник материала:

Шайбу, шайбу!

МIНIМАЛЬНЫ РЫВОК

У першы дзень турнiру чакалася сустрэча з аўстрыйскiм «Рэд Булам». Галоўны трэнер зальцбургскай каманды, швед Хардзi Нiльсан, хоць i iмкнуўся пераканаць журналiстаў, што не помнiць старых крыўдаў, а тым больш Уладзiмiра Копаця, якi на Алiмпiядзе-2002 дапамог нацыянальнай зборнай Беларусi сенсацыйна перамагчы шведскую дружыну (Нiльсан тады яе трэнiраваў), планаваў расправiцца з беларусамi i вывесцi сваю каманду ў суперфiнал. Аднак гэтыя планы змянiў хуткi гол Уладзiслава Клачкова. Гульня так i завяршылася з мiнiмальным лiкам — 1:0. На пасляматчавай прэс-канферэнцыi настаўнiк сапернiкаў прызнаўся, што, калi быць шчырым, «Юнацтва» выглядала мацней, таму гэта перамога справядлiвая. Мiхаiл Захараў, канешне ж, радаваўся першаму рыўку да пуцёўкi ў фiнал, але на яго твары чыталася хваляванне: у той жа дзень казахстанскi «Казахмыс» выйграў у кiеўскага «Сокала» з вялiкай перавагай — 6:2.

РАЗГРОМ

Кiеўскi «Сокал» i ў суботу выглядаў на лёдзе як сапраўдная скарбонка для здабычы ачкоў. На гэты раз на ўкраiнскую «птушку» палявалi беларусы, якiя «абскубалi» яе так, як нiхто iншы — 7:2. У саставе мiнчан вызначылiся Мiкелiс Рэдлiх (тройчы), Андрэй Кавалёў (двойчы), Сяргей Шыткоўскi i Яўген Крывамаз. «На вынiк паўплывала траўма нашага асноўнага галкiпера, — паведамiў настаўнiк «Сокала» Аляксандр Сеўканд. — Калi iгракi даведалiся, што будзе гуляць дублёр, хоць i таленавiты, яны вельмi засмуцiлiся». Дарэчы, у варотах «Юнацтва» на матч з кiяўлянамi выйшаў Павел Бяссонаў, але той «зламаўся» ў час сустрэчы, таму, як i ў матчы з «Рэд Булам», далей абараняць «рамку» мiнчан стаў Сцяпан Гарачэўскiх.

У другi дзень спаборнiцтваў казахi зноў нагадалi аб сваiм намеры перамагчы на мiнскiм турнiры: учарашняга працiўнiка «Юнацтва» яны «парвалi» яшчэ з большым лiкам, чым украiнцаў, — 7:2. Нават трэнер сталiчнай дружыны заўважыў, што ў казахаў ён не бачыць нiводнага слабага месца. «Адзiнае, што нам дазволiць выйграць, гэта добрая падтрымка гледачоў, — канстатаваў Мiхаiл Мiхайлавiч.

ПЕРАМОГА «НА ФЛАЖКУ»

У нядзелю кiеўскi «Сокал» зноў стаў ахвярай сапернiкаў. Аўстрыйцы адыгралiся на ўкраiнцах за ўсе свае паражэннi — 6:3. У вынiку «Сокал» заняў на турнiры самае апошняе месца з «абаранкай» у кiшэнi. «Рэд Бул» стаў трэцiм з 3 ачкамi ў сваiм актыве. Аднак прысутных не столькi хвалявала становiшча гэтых каманд у паўфiнале, колькi барацьба «Казахмыса» i «Юнацтва», якiя павiнны былi паставiць кропку на мiнскiм лёдзе.

Два перыяды на табло красавалiся нулi. Толькi ў трэцiм казахстанская каманда выкарыстала сваю перавагу i закiнула шайбу. У беларусаў заставалася вельмi мала часу, каб адыграцца. За некалькi хвiлiн да заканчэння матча асабiста мне ўзгадалася паражэнне нашай нацыянальнай зборнай на турнiры ў Рызе, калi падначаленыя Мiхаiла Захарава страцiлi магчымасць трапiць на Алiмпiяду. Не ведаю, адкуль у мяне ўзнiкла ўпэўненасць у тым, што на гэты раз iгракi Мiхаiла Мiхайлавiча будуць змагацца да апошняй секунды. Трыбуны крычалi: «Шайбу! Шайбу!». Аптымiзм усяляў i вялiкi плакат з надпiсам «Расфарбуем перамогу чырвона-сiнiмi колерамi». I «Юнацтва» здолела-такi «на флажку» зраўняць лiк. «Снайперам» аказаўся ветэран каманды Андрэй Кавалёў. У авертайме па-спрынтарску спрацаваў Iгар Андрушчанка — 2:1.

Калi пасля матча я пацiкавiлася ў нападаючага, наколькi складана было закiнуць шайбу ў такой напружанай сiтуацыi, Iгар прызнаўся: «Я ж усё рабiў на аўтаматызме i вялiкiх эмоцыях. Вера ў перамогу аказалася мацнейшай за ўсе iншыя абставiны».

Андрэй Кавалёў растлумачыў сваё адчайнае ўзяцце варотаў тым, што ў яго, «старычка», проста не магло больш быць шанца выйсцi ў фiнал, таму i змагаўся да апошняга: «Я верыў у нашу каманду, ды i «Юнацтва» вядома як каманда з характарам. Нам было сапраўды цяжка, але матывацыя ў нас аказалася большая — пры родных i сябрах мы проста не маглi прайграць». «Мы ж гулялi не толькi за мiнскае «Юнацтва», але i за нашу краiну, пры вялiкай падтрымцы трыбун», — не хаваў радасцi Сяргей Шыткоўскi.

Мiнчане, нягледзячы на ўсе перашкоды, занялi на турнiры першае месца (8 ачкоў). Казахi адсталi на адно i сталi другiмi. Дарэчы, сярод лепшых iгракоў паўфiнальных матчаў аказалiся галкiпер «Юнацтва» Сцяпан Гарачэўскiх i абаронца Алег Лявонцьеў. Лепшымi нападаючым i бамбардзiрам турнiру быў названы iгрок «Казахмыса» Леў Крутахвостаў, а яго каманда атрымала прыз за чэсную гульню (у казахаў менш за астатнiх штрафных хвiлiн).

Паводле слоў Мiхаiла Захарава, у фiнале «Юнацтва» будзе змагацца толькі за перамогу.