У Мiнску два падатковыя iнспектары прыгавораны за хабарнiцтва да 9 гадоў пазбаўлення волi

Источник материала:

Крымiнальная справа была ўзбуджана ў адносiнах да iнспектараў падатковай iнспекцыi Кастрычнiцкага раёна Мiнска, якiя абвiнавачвалiся ў атрыманнi $10 тыс. за неўнясенне ў акт праверкi выяўленых парушэнняў заканадаўства. З улiкам цяжару ўчыненага злачынства пракурорам раёна быў санкцыянаваны арышт абвiнавачваных. Судом яны былi прызнаны вiнаватымi ў iнкрымiнуемых iм дзеяннях, i абодва асуджаны да працяглага тэрмiну пазбаўлення волi. Прыгавор уступiў у законную сiлу.

За аналагiчнае злачынства да 6 гадоў пазбаўлення волi асуджаны старшы iнспектар падатковай iнспецыi Баранавiчаў. За ўзнагароду ў памеры $150 ён не склаў пратакол аб адмiнiстрацыйным правапарушэннi ў дачыненнi да грамадзянiна, якi не прадаставiў дэкларацыю аб даходах, атрыманых ад продажу аўтамабiляў.

Як адзначаюць у рэспублiканскай пракуратуры, указаныя факты не адзiнкавыя. У гэтым годзе пракуратурай Мiнска ўзбуджаны яшчэ тры крымiнальныя справы ў адносiнах да падатковых iнспектараў.

Усяго за 10 месяцаў 2006 года ў рэспублiцы зарэгiстравана 2980 злачынстваў, звязаных з карупцыяй. З iх 922 злачынствы звязаны з хабарнiцтвам. Больш за ўсё выпадкаў карупцыi выяўлена ў галiнах, якiя маюць дачыненне да гандлёвага абслугоўвання, прамысловай вытворчасцi i сельскай гаспадаркi.