Падаў заяўку — агарод узаралi ў парадку чарговасцi

Источник материала:

«Гарачы» тэлефон «Звязды» 287-17-41

Па просьбе рэдакцыi праверкай выкладзеных фактаў займалася першы намеснiк начальнiка ўпраўлення сельскай гаспадаркi i харчавання Глыбоцкага райвыканкама Алена Шалонька. Вось што яна паведамiла са спасылкай на словы намеснiка дырэктара фiлiяла «Мнюта» ААТ «Глыбоцкi малочнакансервавы камбiнат» Жанны Шынкевiч.

— Так, у калектыўным дагаворы запiсана, што апрацоўка агародаў праводзiцца па цэнах, якiя фармiруюцца, зыходзячы з фактычнага ўзроўню выдаткаў. Калi ў гаспадарцы працуюць два члены сям’i, тады ўзараць адну сотку будзе каштаваць для iх 500 рублёў, калi адзiн чалавек — 1000 рублёў. Для непрацуючых у гэтай сельскагаспадарчай арганiзацыi дадзеная паслуга ацэнена ў 1,5 тысячы рублёў, — сказала Алена Усцiнаўна.

Паводле яе далейшых слоў, у гаспадарцы прытрымлiваюцца наступнай сiстэмы запiсу на апрацоўку тэхнiкай агародаў вяскоўцаў. Любы жадаючы павiнен пакiнуць заяўку ў дыспетчарскай. Калi гэта работнiк фiлiяла, плата потым за паслугу з яго будзе ўзята аўтаматычна — з заробку. Непрацуючы тут павiнен прадставiць дакумент аб унесеных грошах. Усе жадаючыя абслугоўваюцца па чарзе. Напрыклад, зараз у спiсах, што знаходзяцца ў дыспетчарскай, пазначаны тры чалавекi. Яны запiсалiся адносна нядаўна i тэхнiка пакуль да iх не дайшла. Праўда, раней не былi ўзараныя агароды чатырох работнiкаў гаспадаркi — спецыялiста, вадзiцеля i двух будаўнiкоў. Але па аб’ектыўных прычынах: тэхнiка не змагла працаваць на пераўвiльготненай глебе.

Магчыма, у блiжэйшы час, калi абставiны будуць спрыяць, гэты недахоп будзе выпраўлены, паколькi нiякiх iншых перашкод для выдзялення тэхнiкi няма.