Укрываем вiнаград

Источник материала:

Спачатку неабходна выдаліць тонкiя, слабыя, нявыспелыя, часам — сухiя парасткі.

Самы просты i эфектыўны спосаб укрыцця — зямля. Зняты з апор прышпiлены куст трэба прысыпаць спачатку слоем зямлi ў 10—15 см, а ў канцы лiстапада—пачатку снежня павялiчыць гэты слой да 25—30 см. Такое двухразовае ўкрыццё неабходнае для таго, каб унутры, дзе знаходзiцца лаза, тэмпература паступова апусцiлася крыху нiжэй 0 градусаў. Пад такой «коўдрай» куст не прамерзне пры маразах да 15—20 градусаў.

Але ў гэтага спосабу ёсць i недахопы. Гэта вялiкi аб’ём земляных работ, агаленне каранёў раслiн (бо зямлю хутчэй за ўсё трэба будзе браць з мiжрадкоўяў), веснавыя дадатковыя клопаты — давядзецца, вызвалiўшы раслiну, разроўнiваць зямлю пад кустом.

Яшчэ адзiн спосаб укрыцця — саломай цi пiлавiннем. Слой iх павiнен быць пад кустом не менш чым 30—40 см (першапачатковы — 15—20 см). Вясной гэтыя ўкрыўныя матэрыялы можна пакiнуць пад раслiнамi як мульчу. Недахоп гэтага спосабу — магчымасць пранiкнення да лазы мышэй, якiя пашкодзяць яе.

Некаторыя вiнаградары выкарыстоўваюць для ўкрыцця апалае лісце. Але тут ёсць адзiн вельмi негатыўны момант: апалае лiсце — лепшы прыстанак для шкоднiкаў. Вялiкая верагоднасць знаходжання ў iм i ўзбуджальнiкаў хвароб.

Можна ўкрываць вiнаград лапнiкам слоем 30—40 см, але не ў кожнага ёсць магчымасць мець такую колькасць лапнiку.

Таксама можна выкарыстоўваць камбiнаваныя ўкрыццi. Напрыклад, абкласцi лазу саломай у 10—15 см, а зверху насыпаць зямлю цi торф; прысыпаць вiнаград зямлёй слоем у 10—15 см, а зверху — слой у 30 см саломы, пiлавiння, апалага лiсця; спачатку лапнiк слоем у 5—10 см, а потым — зямля, торф цi салома.

Калi ж выпадзе шмат снегу, вельмi добра ўцяплiць вiнаград яшчэ i iм.