Калi ў Беларусi з’явiцца Упаўнаважаны па правах дзiцяцi?

Источник материала:

Сёння ў Беларусi 2 млн 27 тыс дзяцей. Паводле слоў намеснiка прэм’ер-мiнiстра Аляксандра Косiнца, у нашай краiне створаны ўсе неабходныя ўмовы для iх належнага выхавання i абароны iх правоў. Аднак, зразумела, нельга забываць аб праблеме сiроцтва. А. Косiнец узгадаў прэзiдэнцкi дэкрэт № 18 «Аб дадатковых мерах па дзяржаўнай абароне дзяцей у няўдалых сем’ях». Дакумент, лiчыць ён, прынясе для вырашэння праблемы iстотную карысць.

Намеснiк мiнiстра адукацыi Таццяна Кавалёва закранула праблему з другога боку. Паводле яе слоў, з 1990 года ў Беларусi паменшылася колькасць дзiцячага насельнiцтва больш чым на 850 тысяч чалавек. У той жа час, паводле яе слоў, за апошнiя дзесяць гадоў «былi створаны беспрэцэдэнтныя меры па абароне дзяцей», на практыцы сфармiравана дзеючая сiстэма па абароне iх правоў. Так, з 32 тысяч сiрот 22 тысячы дзяцей выхоўваюцца ў сем’ях, а з тых, хто становяцца сiротамi, каля 70 працэнтаў знаходзяць новыя сем’i. Ужо сёння 53 працэнты дзяцей-iнвалiдаў вучацца ў iнтэграваных класах у звычайных школах.

Крокi нашай краiны па абароне правоў дзяцей, лiчыць прадстаўнiк ЮНIСЕФ у Беларусi Бранiслаў Екiч, «сведчаць аб жаданнi дзяржавы рухацца ў гэтым пытаннi наперад». Ён станоўча ацанiў палажэннi прэзiдэнцкага дэкрэта, якiя накiраваны на распрацоўку iндывiдуальных планаў па абароне дзяцей. Таксама станоўчым ён лiчыць магчымасць пазасудовага адабрання дзяцей у бацькоў на 6 месяцаў з магчымасцю iх вяртання ў сям’ю, бо, паводле яго слоў, да 60 працэнтаў такiх дзяцей вяртаюцца ў сям’ю, а самi бацькi паспяваюць зрабiць належныя высновы. Старшыня парламенцкай камiсii Юрый Кулакоўскi адзначыў, што сiтуацыя ў Беларусi дазваляе весцi размову аб стварэннi iнстытута Упаўнаважанага па правах дзiцяцi.