Главная
Гороскопы
Расiйскiя журналiсты прадэманстравалi знявагу да вынiкаў самiту СНД
Кар. БЕЛТА
Расiйскiя журналiсты, якiя прыехалi ў Мiнск для асвятлення самiту СНД, пакiнулi будынак Нацыянальнай бiблiятэкi Беларусi пасля таго, як стала вядома, што ў падагульняючай прэс-канферэнцыi будуць прымаць удзел толькi старшынствуючы ў Садружнасцi прэзiдэнт Казахстана Нурсултан Назарбаеў, старшыня Выканкама СНД Уладзiмiр Рушайла i эксперт з беларускага боку кiраўнiк Групы высокага ўзроўню па павышэнню эфектыўнасцi дзейнасцi СНД Урал Латыпаў. Аб гэтым карэспандэнту БЕЛТА паведамiў кiраўнiк прэс-службы Прэзiдэнта Беларусi Павел Лёгкi.
«Гэта нiякi не пратэст, гэта, па сутнасцi, проста мыльная бурбалка», — сказаў Павел Лёгкi. Такiм чынам, перакананы ён, была прадэманстравана знявага да вынiкаў праведзенага самiту, старшынi СНД, Выканкама Садружнасцi. «Была паказана поўная абыякавасць да галоўнай тэмы сённяшняга дня насуперак заявам асобных расiйскiх чыноўнiкаў ад СМI аб тым, што журналiсты прыехалi ў Мiнск асвятляць мiжнародны самiт», — падкрэслiў Павел Лёгкi. Ён адзначыў таксама, што ўчора МЗС Расiйскай Федэрацыi накiравала ноту ў знешнепалiтычнае ведамства Беларусi ў сувязi з адмовай беларускага боку акрэдытаваць для асвятлення самiту СНД журналiста «Московского комсомольца» i фотакарэспандэнта газеты «Коммерсантъ». Тым самым на афiцыйным узроўнi было прызнана, што Крэмль падтрымлiвае палiтыку гэтых СМI адносна Беларусi. Менавiта так гэту ноту расцэньвае беларускi бок, сказаў на заканчэнне кiраўнiк прэс-службы Прэзiдэнта Беларусi.
Чтобы разместить новость на сайте или в блоге скопируйте код:
На вашем ресурсе это будет выглядеть так
Расiйскiя журналiсты, якiя прыехалi ў Мiнск для асвятлення самiту СНД, пакiнулi будынак Нацыянальнай бiблiятэкi Беларусi пасля таго, як стала вядома,
|
|