Выяўлена больш як 12 тысяч пустых зямельных участкаў

Источник материала:

Кiраўнiк камiтэта падкрэслiў, што ў пачатку студзеня новага года ўсе гэтыя пустыя надзелы будуць узяты землеўпарадкавальнай службай пад пiльны кантроль. Калi на гэтых землях так i не будзе пачата будаўнiцтва праз пэўны час, то яны падпадуць пад працэдуру прымусовага адчужэння: шляхам канфiскацыi судовымi органамi або метадам пераразмеркавання мясцовымi органамi ўлады на карысць тых, хто мае патрэбу ў паляпшэннi жыллёвых умоў.

Георгiй Кузняцоў паведамiў, што сёння ў парламенце пачынае разглядацца праект новай рэдакцыi Кодэкса аб зямлi. Адным з галоўных напрамкаў праекта будзе тое, што распрацоўшчыкi плануюць зараз увесцi такую норму закона, па якой i жыхары нашай краiны, i грамадзяне замежных дзяржаў мелi б магчымасць атрымаць зямельны ўчастак у прыватную ўласнасць, калi аб’ект нерухомасцi (напрыклад, дом з зямельным участкам) людзi атрымлiваюць у спадчыну. Праўда, паводле праекта Кодэкса, валоданне i распараджэнне такiмi ўчасткамi будзе мець пэўныя абмежаваннi. Так, участак, атрыманы замежнымi грамадзянамi ва ўласнасць, далей можа быць прададзены толькi грамадзянам Беларусi або органам дзяржаўнай улады.