Прышпiлiся сам i прышпiлi пасажыраў!

Источник материала:

Акно ДАI

За час правядзення акцыi iнспектарамi сталiчнай Дзяржаўтаiнспекцыi былi прышпiлены практычна ўсе вадзiцелi. На жаль, больш за 20 тысяч з iх пачалi выкарыстоўваць па прамому прызначэнню рэмень бяспекi толькi пасля прынятых да iх мераў адмiнiстрацыйнага ўздзеяння.

Што гэта дало? Знiжэнне цяжару наступстваў дарожна-транспартных здарэнняў. У перыяд часу з 20 кастрычнiка (крыху больш за месяц) толькi ў Мiнску ў дарожна-транспартных здарэннях загiнула на 10 чалавек менш (93 супраць 103) пры тым, што здзейснена 1181 ДТЗ.

Фiнал Акцыi «Прышпiлiся сам i прышпiлi пасажыраў!» адбудзецца 1 снежня ў Мiнску. Удзельнiкамi акцыi змогуць стаць вадзiцелi, чые маршруты ў гэты дзень пройдуць па вулiцах Савецкага раёна беларускай сталiцы. Мэтай акцыi з’яўляецца заахвочванне дысцыплiнаваных вадзiцеляў, якiя выконваюць патрабаваннi Правiлаў дарожнага руху, асаблiва ў частцы выкарыстання рамянёў бяспекi.

У ходзе акцыi вадзiцеляў, якiя не будуць грэбаваць рамянямi бяспекi самi i не дазволяць пасажырам, якiя знаходзяцца ў салоне iх аўтамабiля, ехаць не прышпiленымi рамянямi бяспекi, чакаюць каштоўныя падарункi, якiя будуць уручаны супрацоўнiкамi Дзяржаўтаiнспекцыi. Такiм чынам, не варта загадзя хвалявацца, калi 1 снежня вас спынiць iнспектар ДАI, — магчыма, ён вас узнагародзiць!

Акцыя арганiзавана Дзяржаўтаiнспекцыяй сумесна з iнфармацыйна-даведачным парталам Interfax.by. Падарункi для вадзiцеляў прадастаўлены кампанiяй Belautogroup, якая прадстаўляе ў Беларусi гандлёвую марку Liqui moli.

Вадзiцелi, не спяшайцеся, прышпiлiцеся!

Дзмiтрый МАРОЗАЎ,

ст. iнспектар агiтацыi i прапаганды аддзела ДАI УУС адмiнiстрацыi Савецкага раёна г. Мiнска.