Аляксандр ЛУКАШЭНКА: «Уласная ядзерная энергетыка — гарант нацыянальнай бяспекi Беларусi»

Источник материала:

Прэзiдэнт канстатаваў, што сёння доля iмпартных энергарэсурсаў у агульным аб’ёме iх спажывання ў Беларусi складае каля 85 працэнтаў. «Гэта рэальная прычына нашай залежнасцi ад знешнiх паставак», — сказаў Аляксандр Лукашэнка.

Каментуючы аднагалоснае меркаванне вучоных i спецыялiстаў Беларусi аб неабходнасцi будаўнiцтва атамнай электрастанцыi ў краiне, Аляксандр Лукашэнка адзначыў: «Гэта аргументаваная i ўзважаная пазiцыя. Яны зыходзiлi не толькi з нашых унутраных патрэбнасцяў у энергii, але i ўлiчылi ўвесь сусветны вопыт, якi сведчыць, што ў будучым ядзерная энергетыка стане асноўным сродкам пераадолення глабальнага энергетычнага крызiсу».

«Пакуль мы пабудуем станцыю, пройдзе яшчэ не адзiн год — напэўна, гадоў дзесяць», — сказаў ён.

Ён таксама выказаў упэўненасць у тым, што пры правiльным iнфармаваннi народа Беларусi аб сiтуацыi ў энергетычнай сферы i перспектывах развiцця рэспублiкi людзi згодзяцца з пазiцыяй кiраўнiцтва краiны i падтрымаюць яе.

«Сёння Беларусь акружана ядзернымi электрастанцыямi. Толькi мы нiчога ад гэтага не маем, акрамя высокiх цэн на электраэнергiю. У сувязi з гэтым нам наўрад цi трэба iгнараваць сусветныя тэндэнцыi i культываваць у свядомасцi беларусаў радыяфобiю i постчарнобыльскi сiндром. Сёння ў свеце працуюць 442 ядзерныя энергаблокi. У блiжэйшы час будзе ўведзена ў строй яшчэ 60. Найбольшае развiццё атамная энергетыка атрымала ў Еўропе, дзе яе доля ў агульным аб’ёме выпускаемай электраэнергii складае больш за 30 працэнтаў», — сказаў Прэзiдэнт.

«Гэтым усё сказана. Як бы мы сёння нi гаварылi пра бяспеку, Еўропа начынена ядзернымi станцыямi. З боку Расii, Украiны мы таксама акружаны ядзернымi станцыямi — вось i ўся наша бяспека. Сведчанне таго — Чарнобыльская электрастанцыя. Быццам бы не мы будавалi, не на нашай зямлi. А ўзарвалася — пацярпелi больш за ўсё мы», — дадаў Аляксандр Лукашэнка.

Калi ў Беларусi будзе прынята рашэнне аб будаўнiцтве атамнай электрастанцыi, то праект i тэхналогiя рэактара павiнны адпавядаць самым сучасным i жорсткiм патрабаванням бяспекi, з улiкам псiхалагiчнай сiтуацыi ў нашай краiне.

Паводле слоў Прэзiдэнта, для Беларусi яшчэ не адышла ў мiнулае аварыя на Чарнобыльскай атамнай электрастанцыi. «Сёння дакладна зразумела задача — знiзiць непакой грамадскасцi адносна выкарыстання мiрнага атама. А гэта значыць, што пляцоўка для размяшчэння станцыi павiнна быць выбрана намi беспамылкова», — дадаў Аляксандр Лукашэнка.

Паводле паведамленняў прэс-службы Прэзідэнта Рэспублікі Беларусь і БЕЛТА.