Калi будуюцца такiя бiблiятэкi, значыць яны патрэбныя

Источник материала:

— Упэўнена, што ў гэтых сценах, якiя захоўваюць векавую мудрасць пакаленняў, адбудзецца канструктыўная размова, абмен вопытам працы, прафесiйнае супрацоўнiцтва ў пошуку iнавацыйных шляхоў развiцця бiблiятэк, — сказала Наталля АЎДЗЕЕВА, намеснiк старшынi Пастаяннай камiсii па культуры, адукацыi i навуцы Палаты прадстаўнiкоў Нацыянальнага сходу Рэспублiкi Беларусь. — Няма сумненняў, што вынiкова пройдзе i сход некамерцыйнага партнёрства «Бiблiятэчнай Асамблеi Еўразii» з удзелам дырэктароў нацыянальных бiблiятэк дзяржаў-удзельнiц, прысвечаны 15-годдзю СНД.

Арганiзатарамi канферэнцыi выступiлi Мiнiстэрства культуры Рэспублiкi Беларусь, Нацыянальная бiблiятэка Беларусi, некамерцыйнае партнёрства «Бiблiятэчная Асамблея Еўразii», Беларуская бiблiятэчная асацыяцыя.

— Сённяшняя наша канферэнцыя будзе мець поспех, таму што, гаворачы аб ролi i месцы бiблiятэк, мы, знаходзячыся тут, у гэтым сучасным будынку, у гэтай новай дзiўнай бiблiятэцы, на свае вочы бачым, якое значэнне надаюць ролi i месцу бiблiятэк у Беларусi, — заўважыў Вiктар ФЁДАРАЎ, генеральны дырэктар Расiйскай дзяржаўнай бiблiятэкi, старшыня некамерцыйнага партнёрства «Бiблiятэчнай Асамблеi Еўразii». — У гэтым сэнсе мы па-добраму зайздросцiм калектыву Нацыянальнай бiблiятэкi Беларусi. I калi да вас будуць прыязджаць нашы прэзiдэнты, нашы прэм’еры i мiнiстры, дэпутаты i сенатары з розных краiн, то хай iм будзе наглядны прыклад: вось так трэба ставiцца да культуры, так трэба ставiцца да бiблiятэк.