З горада — у вёску

Источник материала:

Гаспадарка, дзе працуе Юлiя Рыгораўна, у 2004 годзе была рэарганiзаваная — далучана да вядомага прадпрыемства «Атлант». З прыходам iнвестара шмат чаго змянiлася.

— За гэты час было iнвеставана 5,5 мiльярда рублёў, — заўважае дырэктар ТАА «Шапчыцы-агра» Сяргей Ласевiч. — У асноўным грошы былi выдаткаваны на набыццё сучаснай сельскагаспадарчай тэхнiкi. Зараз мы поўнасцю пераўзброiлiся i можам абсалютна ўсе работы выконваць сваiмi сiламi.

Паказчыкi ў гаспадарцы пасля прыходу iнвестара заўважна палепшылiся. Напрыклад, як паведамiў намеснiк дырэктара ТАА «Шапчыцы-агра» Анатоль Назараў, сярэднi надой малака ад каровы сёлета па вынiках 11 месяцаў склаў 4122 лiтры. Гэта амаль на чвэрць больш, чым за адпаведны перыяд мiнулага года.

— Раней добра, калi якiя два клункi мукi ўсiм каровам раздасi, а зараз кожная па шэсць кiло атрымлiвае, — кажа Юлiя Дамарад. — Таму i малака цяпер значна больш надойваем — я сёлета атрымаю ў сярэднiм па 5 тысяч лiтраў ад каровы. Раней аб такiх вынiках можна было хiба што марыць.

— На Мiншчыне адзначаецца стабiльны рост аб’ёмаў вытворчасцi сельскагаспадарчай прадукцыi, — адзначае намеснiк начальнiка ўпраўлення жывёлагадоўлi Камiтэта па сельскай гаспадарцы i харчаванню Мiнскага аблвыканкама Людмiла Агейчык. — Паводле iнфармацыi на пачатак снежня, прыбаўленне ў вазе буйной рагатай жывёлы ў параўнаннi з адпаведным перыядам мiнулага года павялiчылася на 5 працэнтаў, свiней — на 17, а валавая вытворчасць малака — на 9.

Мiншчына стала пераможцай у рэспублiканскiм спаборнiцтве па нарыхтоўцы кармоў. А на абласным узроўнi першынство прызналi за Старадарожскiм раёнам.

— Па вынiках адзiнаццацi месяцаў аб’ём валавой вытворчасцi сельскагаспадарчай прадукцыi склаў 36,2 мiльярда рублёў, з якiх у жывёлагадоўлi — 22 млрд, — заўважае старшыня Старадарожскага райвыканкама Васiль Усiк. — За апошнiя пяць гадоў вытворчасць малака павялiчылася ўдвая, а мяса — у 1,8 раза.

У вёсцы сёння можна рэальна атрымаць неблагiя грошы. Напрыклад, для даярак сталi магчымымi заробкi па 700—800 тысяч рублёў i нават больш.

У «Шапчыцах-агра» ў сярэднiм работнiкi атрымлiваюць больш чым па паўмiльёна. Пасля рэарганiзацыi калектыў гаспадаркi павялiчыўся ўдвая: працавала 50 чалавек, а зараз — 106. Пятая частка работнiкаў — гараджане, жыхары Старых Дарог, iх на транспарце гаспадаркi прывозяць на работу. Раней i тут усё было па-iншаму: горад (якi знаходзiцца лiтаральна за пяць кiламетраў) адцягваў кадры з вёскi. Калi сталi плацiць прыстойныя грошы, то людзi зноў пацягнулiся ў Шапчыцы.

Сельскагаспадарчы вытворчы кааператыў «Залужжа» iнвестара не атрымаў, аднак у «аўтсайдарах» не лiчыцца.

— Сёлета, мяркуем, агульны прыбытак складзе больш чым 400 мiльёнаў рублёў, — кажа галоўны эканамiст СВК «Залужжа» Алена Турава, — а рэнтабельнасць — 14 працэнтаў.

Важкiя паступленнi ад продажу малака — каля 1,4 мiльярда рублёў. Найбольшая ж рэнтабельнасць атрымлiваецца на вытворчасцi свiнiны. Таксама прыбытак прыносiць i рэалiзацыя парасят. А вось вытворчасць ялавiчыны яшчэ летась была стратнай. Сёлета сiтуацыя iншая: рэнтабельнасць павiнна скласцi 6 працэнтаў, агульны прыбытак — каля 38 мiльёнаў рублёў. Змянiлiся ўмовы ўтрымання (пабудаваны новы цялятнiк), таму нярэдка жывёла прыбаўляе ў вазе i па кiлаграму за дзень.

Адна з лепшых работнiц на жывёлагадоўчым комплексе — цялятнiца Iрына Цвiрко. Справу сваю любiць i кажа, што ўсё ад мацi перадалося, якая таксама гэтым займалася. Муж Iрыны працуе ў будаўнiчай брыгадзе гаспадаркi. Разам яны зарабляюць добрыя грошы — на жыццё хапае.

У «Залужжы» распрацавана спецыяльная сiстэма прэмiравання работнiкаў. Усе даяркi дакладна ведаюць, як разлiчваць надой ад каровы i на якiя грошы можна спадзявацца. Раней такога не было, а зараз людзi зацiкаўлены працаваць, для гэтага ёсць важкi стымул.

— У сельгаскааператыве робiць шмат моладзi, — кажа Алена Турава. — Гэта вельмi добра, паколькi ў такiм разе ў гаспадаркi ёсць будучыня. Галоўнае — стварыць умовы для жыцця i працы людзей. Тады праблем з кадрамi не ўзнiкне i вынiкi добрыя будуць.

Мiкалай ЛIТВIНАЎ,

Старадарожскi раён.