Святочны графiк сталiчных магазiнаў i рынкаў

Источник материала:

31 снежня ўсе прадуктовыя магазiны i ўнiвермагi, незалежна ад iх формы ўласнасцi, зачыняць свае дзверы перад наведвальнiкамі не раней чым у 21 гадзiну. Гiпермаркеты будуць працаваць да 22—23 гадзiн. Усю навагоднюю ноч будуць працаваць у сталiцы i 12 кругласутачных магазiнаў, праўда, з абмежаваным асартыментам моцных напояў: набыць там можна будзе толькi бутэлечку шампанскага, сухога вiна цi дарагога каньяку. Паколькi масавых гулянняў у цэнтры горада сёлета не плануецца, то будуць зачыненыя i магазiны на праспектах Незалежнасцi i Пераможцаў, якiя традыцыйна неслi ў навагоднюю ноч «працоўную вахту».

25 снежня i 7 студзеня прадуктовыя магазiны працуюць па рэжыму працоўнага дня. А ў першы дзень новага года — з 10 да 18 гадзiн. Унiвермагi 1 студзеня не збiраюцца працаваць, таксама як i харчовыя рынкi. Напрыклад, гандлёвы дом «Ждановiчы» будзе працаваць 31 снежня, 2 i 7 студзеня, але 25 снежня i 1 студзеня — адпачываць. Камароўскi рынак запланаваў толькi адзiн выхадны дзень — 1 студзеня.

Выступаючы на аператыўнай нарадзе ў гарвыканкаме, мэр сталiцы Мiхаiл Паўлаў звярнуў увагу ўпраўленняў цэнавай палiтыкi i спажывецкага рынку, а таксама адмiнiстрацый раёнаў на неабходнасць жорсткага кантролю за неабгрунтаваным ростам цэн на прадукты харчавання, асаблiва на плодаагароднiнную прадукцыю i кандытарскiя вырабы. Старшыня Мiнгарвыканкама даў даручэнне ўзяць пад кантроль кожны рынак. З 19 студзеня Дзяржаўная iнспекцыя па кантролю за цэнамi штодня адсочвае сiтуацыю ў гандлёвай сетцы горада. За парушэннi цэнавага заканадаўства прадугледжана адмiнiстрацыйная i эканамiчная адказнасць...