У Новы год — на лiмузiне!

Источник материала:

Пачалося ўсё з незвычайнага прыезду галоўнага Дзеда Мароза. Казачных аленяў, якiя б даiмчалi святочных герояў, не было, але на плошчу ля гарадскога Палаца культуры прыехаў шыкоўны лiмузiн, у якiм i спяшалiся да маленькiх жыхароў вобласцi Дзед разам са сваёй унучкай — Снягуркай.

— Барысаў не проста так быў выбраны месцам правядзення абласнога зiмовага свята. Ён адзiн з лепшых па стварэнню ўмоў для творчага развiцця вучняў i педагогаў, — патлумачыла начальнiк упраўлення адукацыi Мiнскага аблвыканкама Таiса ДАНIЛЕВIЧ, — Свята абласной ёлкi адзначаецца на Мiншчыне ўжо некалькi разоў, i гэта стала традыцыяй.

— А якiя вынiкi года?

— Цудоўныя. Развiццё адукацыi i выхавання ўсё больш прасоўваецца наперад, i поспехаў мы дасягаем пры дапамозе кiраўнiцтва вобласцi, iх фiнансавай падтрымкi, якая ў будучым стане яшчэ большай. У цэнтральнай вобласцi сiстэма работы арганiзавана на самым высокiм узроўнi ў параўнаннi з iншымi рэгiёнамi краiны. Нашы галоўныя «заказчыкi» — вучнi i iх бацькi, задаволены якасцю работы настаўнiкаў i педагогаў, — паведамiла Таiса Данiлевiч.

Вобласць сустракае надыходзячы год з добрым настроем. Усё задуманае было выканана. I гэта было вiдаць на дзiцячым свяце ў Барысаве. Калi ў дарослых усё атрымлiваецца, то i дзецi адчуваюць сябе вясёлымi i шчаслiвымi.

— У Новы год хочацца пажадаць усiм дзеткам здароўя — надзейнага, трывалага, творчых поспехаў у вучобе i жыццi. Няхай усе дзецi iмкнуцца да таго, каб быць прыкладам для сваiх малодшых братоў i сястрычак, заўсёды радаваць сваiх бацькоў, — падзялiўся ўражаннямi першы намеснiк старшынi Мiнскага аблвыканкама Леанiд КРУПЕЦ. — З Новым годам усiх!