ФМС Расii 29 снежня неабгрунтавана спынiла афармленне цукру з Беларусi

Источник материала:

Гэта адбылося насуперак дасягнутай дамоўленасцi прэзiдэнтаў Расii i Беларусi ў блiжэйшы час вырашыць канфлiктную сiтуацыю па пастаўках беларускага цукру ў РФ. Такiм чынам, экспарт цукру з Беларусi на расiйскi рынак практычна прыпынены.

«Iснуючая сiтуацыя стала вынiкам шэрагу абмежавальных мераў з боку ФМС Расii, якiя прывялi да фактычнай забароны паставак беларускага цукру на расiйскi рынак», — сказаў Iван Данчанка.

За 2006 год аб’ём рэалiзацыi цукру ў Расii скарацiўся на 50 працэнтаў. Найбольш значнае знiжэнне адбылося ў чацвёртым квартале мiнулага года, калi пачалася перапрацоўка цукровых буракоў новага ўраджаю. Усяго за чацвёрты квартал беларускiм вытворцам удалося паставiць на расiйскi рынак толькi 37 тыс. тон цукру з сыравiны новага ўраджаю. На Траякураўскi мытны пост паступiла з Беларусi 580 вагонаў, з iх 11 вагонаў да гэтага часу не аформлены. Цукар знаходзiцца пад адкрытым небам у сырое надвор’е, што прыводзiць да каласальных страт як цукравытворцаў, так i чыгуначнiкаў. Толькi з-за несвоечасовага мытнага афармлення i прастояў вагонаў беларускiя прадпрыемствы панеслi страты ў памеры $2 млн.

Расiйскiя партнёры, якiм накiроўваўся беларускi цукар, звярнулiся ў арбiтражны суд, ён прызнаў дзеяннi расiйскiх мытнiкаў неправамернымi. У сувязi з гэтым страты прадпрыемстваў Расii павiнны быць кампенсаваны з федэральнага бюджэту РФ.

На думку Iвана Данчанкi, расiйскiя мытнiкi дзейнiчаюць, каб дагадзiць невялiкай групе расiйскiх бiзнэсменаў, якiя хочуць паставiць пад кантроль увоз цукру з Беларусi i такiм чынам захаваць на расiйскiм рынку манаполiю.