Частка нямецкiх вiз будзе выдавацца бясплатна

Источник материала:

М. Хекер адзначыў, што рашэнне аб павышэннi кошту вiз для беларускiх грамадзян прымалi толькi краiны, што з’яўляюцца членамi шэнгенскага пагаднення (такiх краiн 16). Таму магчымыя павышэннi кошту вiз для беларускiх грамадзян з боку iншых краiн можна лiчыць уласным рашэннем гэтых краiн. Само павышэнне кошту шэнгенскiх вiз для беларусаў звязана з затратамi, якiя прыходзiцца рабiць падчас вырабу новых вiз, што будуць утрымлiваць бiяметрычныя даныя. Дарэчы, падобныя вiзы ўжо летась пачало выдаваць пасольства Францыi. У той жа час М. Хекер паведамiў, што пасольства Германii ў пэўных выпадках збiраецца выдаваць бясплатныя вiзы. У прыватнасцi, на такiя вiзы могуць разлiчваць дзецi да 7 гадоў, а таксама грамадзяне, якiя збiраюцца выязджаць за межы Беларусi па гуманiтарных пытаннях (напрыклад, звязаных з праграмамi па лiквiдацыi наступстваў катастрофы на Чарнобыльскай АЭС). Пасол Германii выказаў спадзяванне, што падобным правам скарыстаюцца i iншыя пасольствы, што знаходзяцца ў Беларусi.

М. Хекер таксама адзначыў, што ЕС з часам змяняецца. Ён лiчыць, што Беларусь будзе станавiцца для ЕС усё больш важным партнёрам. Пэўны аптымiзм паслу Германii надае магчымасць адкрыцця ў Беларусi прадстаўнiцтва еўрапейскай камiсii. Станоўчае вырашэнне гэтага пытання, лiчыць М. Хекер, спрыяла б пашырэнню ўзаемных паездак грамадзян Беларусi i краiн ЕС. Дарэчы, пасол таксама паведамiў, што летась вiзы ў пасольстве Германii атрымалi 80 тысяч грамадзян Беларусi, прычым колькасць адмоў з кожным годам памяншаецца.

У Бруселi гатовы да дыялога з Беларуссю па пытаннях энергетыкi, заявiў Надзвычайны i Паўнамоцны Пасол ФРГ у Беларусi Марцiн Хекер учора на прэс-канферэнцыi.