Вельмi карысны фрукт

Источник материала:

Рубрыку вядзе Валянціна ШПІЛЕЎСКАЯ, тэл. 285-88-81

Паводле паданняў, маладзiльныя яблыкi валодалi вялiкай сiлай: маглi не толькi надзялiць здароўем i маладосцю, але нават вярнуць жыццё нябожчыку. Раслi яны ў далёкай краiне, i ахоўвалi iх злыя велiканы.

Гэта дрэва больш за ўсё дапамагае жанчынам. Даўно вядома, што яблыня — дрэва жаночай сiлы i сэксуальнасцi, яно абуджае ў iх жаноцкасць. Калi вы хочаце зведаць прылiў эратычных эмоцый, гаварылi старажытныя, то кладзiцеся летам спаць у садзе, пад яблыняй. А плады яблынi здаўна выкарыстоўвалiся як прываротны сродак. Нават Траянская вайна пачалася, калi багiнi не маглi падзялiць яблык (праўда, залаты), якi быў падкiнуты на стол са словам «цудоўнейшай».

Сёння плады яблынi разглядаюцца больш празаiчна, але тым не менш як вельмi карысны фрукт.

Вiтамiн С, якi змяшчаюць яблыкi, засцерагае скуру ад ранняга старэння i маршчын.

Вiтамiн В1 прадухiляе стомленасць, дэпрэсiю, бяссоннiцу i раздражнёнасць.

Вiтамiн В2 засцерагае твар ад прышчоў, вусы ад трэшчын i язвачак, валасы ад перхацi.

Хворым на гiпертанiю народныя лекары раяць штодзённа выпiваць па паўшклянкi натуральнага яблычнага соку за 20—30 хвiлiн да яды. Такiм жа карысным з’яўляецца i яблычны чай, якi гатуюць так: 3 неачышчаныя яблыкi сярэдняга памеру нарэзаць скрылiкамi, залiць 1 л кiпеню i варыць на слабым агнi на працягу 10 хвiлiн, дадаўшы цукар на смак.