Пасля першых тыдняў работы «Сталiца» апраўдала чаканнi

Источник материала:

Ад 30 да 150 еўра за квадратны метр у месяц — у Мiнску, напэўна, няма нiводнага iншага прыкладу такой мiнiмальнай арэнднай платы за гандлёвае месца аналагiчнага ўзроўню. Карэспандэнт газеты спытаў у Мiхаiла Еўтухоўскага, начальнiка ўпраўлення спажывецкага рынку Мiнгарвыканкама, чым гэта выклiкана.

— «Сталiца» пабудавана за кошт сродкаў горада, i з’яўляецца камунальнай уласнасцю Мiнскага гарвыканкама. Таму мы самi можам вызначаць кошт арэнднай платы. Нiзкай мы зрабiлi яе для таго, каб прыцягнуць, зацiкавiць людзей у супрацоўнiцтве. Дарэчы, было многа скептычных меркаванняў адносна мэтазгоднасцi будаўнiцтва падземнага гандлёвага цэнтра. Дык вось, хачу сказаць, што з самага яго адкрыцця мы па пяць разоў на дзень атрымлiваем ад прадпрымальнiкаў прапановы аб арэндзе гандлёвага месца, — кажа спецыялiст.

Дарэчы, пагадненне заключаецца тэрмiнам да 10 гадоў, i размяркоўваецца плошча шляхам аўкцыёну. Выключэнне робiцца для беларускiх вытворцаў — яны могуць самi выбраць месца пад гандаль сваёй прадукцыяй. Ужо зараз некаторыя з iх атрымлiваюць нядрэнны прыбытак. Напрыклад, адна секцыя гандлёвага дома «На Нямiзе» прыносiць у дзень каля 4 мiльёнаў. У толькi што пачаўшай работу «Сталiцы» фiрменная секцыя беларускага вытворца галантарэi зарабляе ў дзень 5—6 мiльёнаў. Некаторыя арганiзацыi нават жадаюць адкрыць у падземным цэнтры ўжо другi свой павiльён. Напрыклад, каля магазiна вядомага ў свеце брэнду, якi выпускае моднае адзенне з Iталii, ужо дзесяць дзён з ранiцы да вечара збiраецца чарга з 50—100 чалавек, якiя жадаюць толькi ўвайсцi ў гэтую гандлёвую кропку. Канешне, таму кампанiя вырашыла адчынiць ужо другую сваю краму ў падземным гандлёвым цэнтры.

З iншага боку, калi проста на некалькi хвiлiн зайсцi ў «Сталiцу», то ўсё роўна кiнуцца ў вочы зачыненыя дзверы гандлёвых павiльёнаў, шыльды з назвамi непрацуючых пакуль магазiнаў i кафэ. I нават у дзеючых кропках харчавання, якiх налiчваецца невялiкая пакуль колькасць, усе столiкi альбо занятыя, i трэба iсцi шукаць iншыя месцы ў горадзе, альбо чарга занадта вялiкая. Можа, гэта толькi адзiн мiнус усёй «Сталiцы».

— Гандлёвы цэнтр яшчэ толькi развiваецца, акрамя працуючых павiльёнаў тут прадугледжаны рэстаран, кафэ, бары, дробныя кропкi харчавання, забаўляльны комплекс з боўлiнгам i бiльярдам, кiна-, вiдэазала, салон прыгажосцi, цырульня. Трэба толькi крыху пачакаць, мы ж яшчэ пачынаем «раскручвацца», — абяцае Мiхаiл Еўтухоўскi. — Магу таксама сказаць, што ў «Сталiцы» ў лютым з’явiцца i харчовы магазiн плошчай 700 квадратных метраў. Раней гэтага прадугледжана не было.

Кошт будаўнiцтва цэнтра склаў 97 мiльярдаў рублёў. Частку грошай прадставiў у крэдыт «Беларусбанк». Сродкi двух крэдытных лiнiй на 30,5 i 31,5 мiльёна долараў пад шэсць i дзесяць працэнтаў гадавых адпаведна неабходна вярнуць у банк да 2016 года. «Дарэчы, «Беларусбанк» пайшоў нам насустрач i дазволiў адцягнуць «Сталiцы» крэдытныя выплаты. Яны пачнуцца толькi з сярэдзiны сакавiка гэтага года», — узгадвае Мiхаiл Еўтухоўскi.

Таму цэнтру зараз трэба працаваць, наладжваць i арганiзоўваць сваю дзейнасць найлепшым чынам, i заўсёды памятаць, што за клiента трэба змагацца. Тады i прыбытак будзе.

Настрой на працу, а гэта значыць, на задавальненне патрабаванняў спажыўца ўжо зрабiў «Сталiцу» ўзорам сучаснага падыходу да арганiзацыi гандлю. У якасцi доказу можна прывесцi толькi адзiн факт — падземны цэнтр стаў першым месцам, куды заходзяць госцi з iншых гарадоў Беларусi i замежжа — нават проста на экскурсiю, паназiраць. Дарэчы, пасада экскурсавода таксама прадугледжана. I не толькi экскурсавода.

— Паведамляю, што гандлёвы цэнтр запрашае на работу людзей, якiя маюць спецыяльнасцi сантэхнiкаў, электрыкаў, рамонтнiкаў i iншыя, звязаныя з тэхнiчным абслугоўваннем усiх сiстэм забеспячэння функцыянавання будынкаў. У нас ёсць штатны расклад, згодна з якiм неабходна набраць яшчэ шмат людзей, — расказаў Мiхаiл Еўтухоўскi.