«На справу» — брыгадай

Источник материала:

Устаноўлена, што вокны прыхапiла брыгада рабочых БУ-213.Брыгаду (чатыры чалавекi) затрымалi.

Сымон СВIСТУНОВIЧ.

Не дапамог i саўдзельнiк

Угоншчык трапiў у рукi праваахоўных органаў, нягледзячы на старанна прадуманы iм план.

Малады чалавек на вулiцы Кузьмы Чорнага ўзламаў машыну i спрабаваў яе завесцi. А калi ўбачыў супрацоўнiкаў мiлiцыi, папрасiў iх дапамагчы. Дакументаў на аўто ў яго не аказалася. Ён патлумачыў, што гаспадар машыны папрасiў перагнаць аўто. У якасцi доказу падазроны назваў нумар тэлефона выдуманага ўладальнiка машыны.

Аднак супрацоўнiкi мiлiцыi праверылi гэту iнфармацыю. Аказалася, што сапраўдны гаспадар аўтамабiля ў гэты час спаў дома i нiкога не прасiў аб такой паслузе. Затрыманы мiнчанiн, якi мае судзiмасць за захоўванне наркотыкаў, цяпер знаходзiцца ў iзалятары часовага ўтрымання.

Максiм ГУЛЯКЕВIЧ, «Мiнск—Навiны».

Не пi за рулём!

За мiнулыя выхадныя днi ў Мiнскай вобласцi i сталiцы Беларусi да адмiнiстрацыйнай адказнасцi прыцягнуты амаль 170 нецвярозых вадзiцеляў, каля 90 — за парушэнне хуткаснага рэжыму, амаль 350 — за няпропуск пешаходаў. За парушэннi правiлаў дарожнага руху былi таксама пакараны амаль 580 пешаходаў. Аб гэтым паведамiла начальнiк аддзялення арганiзацыi ўзаемадзеяння са СМI i прапаганды УДАI МУС Ганна Банадык.

Такi вынiк дала праведзеная ў выхадныя днi на ўсiх асноўных трасах сталiцы i Мiнскай вобласцi, у тым лiку на МКАД, прафiлактычная акцыя. Галоўны акцэнт быў зроблены на кантроль за хуткасным рэжымам. Такiя акцыi ў маштабах рэспублiкi ДАI плануе праводзiць рэгулярна. Для кантролю за хуткасным рэжымам усе экiпажы ДПС аснашчаны апаратурай з фота- i вiдэафiксацыяй парушэнняў. Акрамя таго, у сталiцы ўстаноўлены стацыянарна i працуюць у аўтаномным рэжыме каля 10 фотарадараў.

Кар. БЕЛТА.

На дарозе загарэўся аўтамабiль

Здарэнне, у якiм ахвярай стаў аўтааматар, зафiксавана вечарам паблiзу Ждановiч.

На 25-м кiламетры аўтадарогi Слабада—Навасяды падчас руху загарэўся «Пантыяк», кiраваў якiм 34-гадовы жыхар Жодзiна. На жаль, гаспадар аўтамабiля не змог выратавацца, знiшчаны агнём i аўтамабiль. Зараз спецыялiсты высвятляюць прычыну ўзгарання.

Iгар ГРЫШЫН.