У пошуку вiтамiну С

Источник материала:

Iнфарм-укол

Ягады. Яны самыя пяшчотныя, доўга ў свежым выглядзе не захаваеш. Варта iх замарожваць, сушыць, перасыпаць цукрам, рабiць варэнне i джэм. А зiмой — варыць морсы i кампоты. Каб захаваць як мага больш вiтамiну С, ягады пагружайце адразу ў кiпячую ваду.

Агароднiна. Вучоныя сцвярджаюць: «Без гароднiны няма стрававання». У сярэднiм чалавек павiнен з’есцi ў дзень каля 500—700 г рознай гароднiны (без улiку бульбы). Трэба ўлiчваць, што вiтамiн С — растваральны, таму падчас варкi гароднiны ён пераходзiць у ваду.

ПАЦЕРКI ЗДЫМАЮЦЬ СТРЭС

Стрэс — гэта абарончая рэакцыя нашага арганiзма на любую нестандартную сiтуацыю. I вельмi важна ўмець не толькi трымаць удары лёсу, але i аказваць сабе хуткую дапамогу, iнакш кажучы, пераключацца.

У першую чаргу дапамагае правiльнае дыханне. Неглыбока (на лiк «раз») удыхаем i глыбока («два», «тры») выдыхаем. На ўдыху выпучваем, а пры выдыху уцягваем жывот. Такi тып дыхання паляпшае кровазварот лёгкiх i сэрца, здымае ўнутранае напружанне. Карысна таксама спачатку паслядоўна, а потым адначасова расслабляць мышцы лба, твару, шыi, плечавога пояса, спiны. Акрамя гэтага, вучоныя-рэфлексатэрапеўты сцвярджаюць, што скарэктаваць свой эмацыянальны стан можна з дапамогай пацерак. Гэта адбываецца таму, што нервовыя канчаткi ў кончыках пальцаў звязаны з мазгавымi цэнтрамi. Калi ў дадатак да вялiкага пальца ў вас працуе ўказальны, аблягчаецца галаўны боль, выроўнiваецца дыханне. Калi сярэднi — адступаюць гнеў i дэпрэсiя.

ДАЙЦЕ НАГАМ АДПАЧЫНАК

Тыя, каму даводзiцца праводзiць шмат часу на нагах, ведаюць, як яны па вечарах гудуць i ныюць.

Каб зняць стомленасць, зрабiце кантрастныя ванначкi. Пастаўце побач 2 тазiкi: адзiн з гарачай вадой, другi — з халоднай. Патрымайце ступнi ног спачатку ў гарачай вадзе (2 хвiлiны), пасля ў халоднай (10 секунд). Чаргуйце гарачую i халодную ваду некалькi разоў i завяршыце працэдуру халоднай. Разатрыце ногi.