«Цяжкiя бацькi» пачынаюць думаць...
Аляксандр ПУКШАНСКI
На Вiцебшчыне менш за 43 працэнты ўсiх бацькоў, якiя абавязаны «кампенсаваць» дзяржаве выдаткi па выхаванню iх дзяцей, робяць гэта. Астатнiя — не. Пакуль што...
Усяго ў Прыдзвiнскiм краi, паводле апошнiх даных, на дзяржаўным забеспячэннi знаходзяцца каля 6 тысячы хлопчыкаў i дзяўчынак. Летась суды прынялi больш як 2,5 тысяч рашэнняў аб працаўладкаваннi «цяжкiх бацькоў». З пачатку гэтага года, згодна з патрабаваннямi адпаведнага Дэкрэта Прэзiдэнта краiны, кантроль за ажыццяўленнем працаўладкавання i непасрэдна работай бацькоў вядзецца супрацоўнiкамi органаў унутраных спраў. Апошнiя нават могуць суправадзiць i на «бiржу працы». А калi праца ёсць, а вось жадання зарабляць — няма, несумленных бацькоў могуць прыцягнуць да крымiнальнай адказнасцi. Як расказаў карэспандэнту «Звязды» намеснiк начальнiка ўпраўлення прафiлактыкi Упраўлення ўнутраных спраў Вiцебскага аблвыканкама Уладзiмiр Пранько, супрацоўнiкi органаў унутраных спраў вобласцi сумесна з прадстаўнiкамi сiстэмы адукацыi, сацыяльнай абароны i г.д. правялi больш за 300 рэйдаў па сем’ях, у якiх, мякка кажучы, «не ўсё добра». Усякае бачылi кантралёры: i дамы без даху i вокнаў, што прадалi, каб у чарговы раз выпiць гарэлкі, i галодных дзяцей, якiя забылiся, што такое звычайная макарона... Каля 40 дзяцей былi пасля такiх рэйдаў у прытулках. Дарэчы, аб такiх спецыяльных установах. Штогод, на жаль, колькасць дзяцей, якiх туды накiроўваюць, павялiчваецца. Так, у 2000 годзе сярод выхаванцаў было 433 дзiцяцi, у 2001-м — ужо 638, 2002-м — 905... Летась — 1717, i добра, што амаль палова дзяцей тады вярнулiся ў свае сем’i (усяго ў Вiцебскай вобласцi дзейнiчаюць 25 прытулкаў). Бацькi iх пачалi «думаць» аб будучым i скарысталiся шанцам «паправiць» сваё жыццё. Чаго не скажаш аб iншых. У прыватнасцi, паводле слоў Уладзiмiра Пранько, у Лёзненскiм раёне жыве грамадзянка Украiны, у якой вялiкая сям’я. Па-першае, яна не пажадала легалiзаваць знаходжанне сваё i 4 сваiх дзяцей на тэрыторыi чужой дзяржавы. Па-другое, занялi яны пустуючы дом, а пры гэтым не прапiсалiся, аб жаданнi працаваць i жыць, як добрыя сем’i, гаварыць не даводзiцца. А ёй жа двойчы прапаноўвалi работу на сельскагаспадарчым прадпрыемстве! Разглядалася цяжкая сiтуацыя ў сям’i на савеце прафiлактыкi. Мясцовыя ўлады старалiся дапамагчы. Але ж... Адмаўлялася працаўладкавацца i г.д. Зараз вырашаецца пытанне аб дэпартацыi гэтай сям’i. А вось зусiм iншы — станоўчы прыклад. У Шумiлiнскiм раёне бацькi перасталi пiць. Перадалi iм новы дом. Дзеткi, а iх трое, ходзяць у школу, атрымлiваюць нядрэннае выхаванне. Бацькi, якiя хочуць вырашыць праблему залежнасцi ад «зелля» проста — iдуць кадзiравацца. I некаторыя кiраўнiкi прадпрыемстваў у вёсцы нават дапамагаюць вырашыць гэтае праблемнае пытанне фiнансава...
Чтобы разместить новость на сайте или в блоге скопируйте код:
На вашем ресурсе это будет выглядеть так
На Вiцебшчыне менш за 43 працэнты ўсiх бацькоў, якiя абавязаны «кампенсаваць» дзяржаве выдаткi па выхаванню iх дзяцей, робяць гэта. Астатнiя — не. Пак
|
|