«Плюсы» прытрымлiвання вегетарыянства

Источник материала:

Iнфарм-укол

Ва ўсякiм выпадку Амерыканская асацыяцыя дыетолагаў сцвярджае, што толькi правiльна спланаваны вегетарыянскi рацыён з’яўляецца паўнацэнным, карысным для прафiлактыкi i лячэння пэўных захворванняў. Даследаваннi паказваюць, што часта ў вегетарыянцаў больш нiзкая, чым у iншых захваральнасць i смяротнасць ад пэўных хранiчных хвароб. Такiя фактары, як фiзiчная актыўнасць i ўстрыманне ад курэння i алкаголю таксама могуць iграць ролю, але дыета — важнейшую.

Вегетарыянскi рацыён карысны з-за нiзкага ўтрымання насычаных тлушчаў, халестэрыну i жывёльнага бялку. Вось некалькi прынцыпаў, якiя дапамагаюць вегетарыянцам спланаваць здаровыя дыеты: ежа павiнна быць разнастайнай, з выкарыстаннем зерневых цэльных прадуктаў, агароднiны, фруктаў, арэхаў, семак, малочных прадуктаў i яек; абмяжоўваюцца прадукты з вялiкiм утрыманнем цукру i тлушчаў; дадаткова ўжываюцца вiтамiны В-12 i Д.

«МIНУСЫ» САМАЛЯЧЭННЯ ГАЛАЎНОГА БОЛЮ

Стрэс, забруджанае наваколле, гiпадынамiя i г.д. — усё гэта правакуе ўзнiкненне галаўных боляў. Галаўны боль — не дыягназ, а сiмптом, сiгнал i просьба аб дапамозе.

Прычынамi яго могуць быць мiгрэнi, вегета-сасудзiстая дыстанiя, iнтаксiкацыя арганiзма, чэрапна-мазгавыя траўмы. Галаўныя болi часта могуць выклiкацца групай прычын, напрыклад, астэахандрозам пазваночнiка ў спалучэннi з атэрасклерозам. Бескантрольнае прымяненне анальгетыкаў можа пагражаць непрыемнымi наступствамi. Скажам, развiццём прывыкання арганiзма да прэпарата. Акрамя таго, бескантрольнае ўжыванне таблетак для абязбольвання нарадзiла новы вiд галаўных боляў, звязаных якраз з прыёмам прэпарата ад болю!

Неабходна памятаць, што часцей за ўсё прычынамi галаўных боляў з’яўляюцца захворваннi, якiя паддаюцца лячэнню. Эфектыўным можа быць ўнутрывеннае ўвядзенне лекаў — кропельнiцы. Прымяняюцца рэфлекса-, ароматэрапiя з выкарыстаннем пахучых маслаў i духмяных траў, гамеапатыя, масаж.