У Беларусi ўладальнiкi лiнейных збудаванняў будуць плацiць зямельны падатак або арэндную плату за

Источник материала:

Аблвыканкамы, Мiнскi гарвыканкам i Дзяржкаммаёмасць да 1 жнiўня 2007 года павiнны перадаць уладальнiкам лiнейных збудаванняў землi ляснога фонду, занятыя прасекамi ў межах ахоўных зон лiнейных збудаванняў.

Пасля перадачы гэтых зямель з катэгорыi зямель ляснога фонду ў катэгорыю зямель прамысловасцi, транспарту, сувязi, энергетыкi, абароны i iншага прызначэння ўладальнiкi лiнейных збудаванняў будуць абавязаны ўносiць у бюджэт плацяжы за зямлю ў выглядзе зямельнага падатку або арэнднай платы па стаўках i ў памерах, устаноўленых Законам Рэспублiкi Беларусь «Аб плацяжах за зямлю» i Указам Прэзiдэнта ад 7 лютага 2006 г. № 74 «Аб удасканаленнi парадку вызначэння памеру арэнднай платы за зямельныя ўчасткi, якiя знаходзяцца ў дзяржаўнай уласнасцi», што дасць магчымасць атрымаць дадатковыя даходы бюджэту.

У адпаведнасцi з указам рэспублiканскiм унiтарным прадпрыемствам «Беларуснафта» i «Белгеалогiя» дазваляецца праводзiць пошукавыя работы пры разведцы нафтавых радовiшчаў на падставе рашэнняў раённых выканаўчых камiтэтаў, а адвядзенне зямельных участкаў ажыццяўляць у працэсе выканання работ па будаўнiцтву эксплуатацыйных свiдравiн па фактычна занятых землях.

Акрамя таго, зямельныя ўчасткi з зямель ляснога фонду для будаўнiцтва i абслугоўвання лiнейных збудаванняў будуць прадастаўляцца толькi на праве пастаяннага карыстання або арэнды.

Такiя меры прыняты ў мэтах павышэння адказнасцi юрыдычных асобаў за ўтрыманне зямель ляснога фонду (на ўчастках, занятых прасекамi ў калiдорах розных лiнейных збудаванняў) i адначасова для спрашчэння працэдуры атрымання «Беларуснафтай» i «Белгеалогiяй» дазволаў на адабранне зямельных участкаў пад аб’екты нафтаперапрацоўкi, растлумачылi ў прэс-службе.

Гэты ўказ не запатрабуе дадатковых фiнансавых затрат з бюджэту рэспублiкi.

Паводле даных Мiнлясгаса, плошча зямель ляснога фонду, занятых прасекамi пад лiнiямi электраперадачы, на якiх не ажыццяўляецца вырошчванне лесу, складае 40929,6 га, занятых прасекамi пад газаправоды — 6079 га, нафтапрадуктаправоды — 1685 га. Пры гэтым плошча зямель ляснога фонду, занятая прасекамi пад газаправоды юрыдычных асобаў Беларусi, складае 4474 га, газаправод «Ямал — Еўропа» ААТ «Газпрам» — 1605 га, нафтапрадуктаправоды юрыдычных асобаў Беларусi — 1448 га, нафтапрадуктаправод ПВУП «Захад — Транснафтапрадукт» — 237 га.

Цяпер гэтыя землi знаходзяцца ў карыстаннi дзяржаўных лесагаспадарчых устаноў (лясгасаў), зямельны падатак або арэндная плата за iх не выплачваецца.

Прэс-служба Прэзiдэнта Рэспублiкi Беларусь.