Уладальнiкi Iнтэрнэт-магазiнаў да 19 красавiка павiнны падаць заяву аб унясеннi змяненняў у лiц

Источник материала:

Паводле яе iнфармацыi, з 19 сакавiка ўладальнiкi магазiнаў, якiя ажыццяўляюць гандаль праз сетку Iнтэрнэт, павiнны ў месячны тэрмiн падаць заяву ў лiцэнзуючыя органы краiны аб ўнясеннi змяненняў у лiцэнзii, якiя ў iх ёсць. Выканаўчыя камiтэты на працягу месяца разгледзяць заявы, пасля чаго змяненнi будуць унесены. Гэта працэдура праводзiцца без спагнання лiцэнзiйнага збору, паколькi звязана са змяненнем заканадаўства, удакладнiла Людмiла Петракоўская.

Нагадаем, з 19 сакавiка ўступiла ў сiлу новае патрабаванне да гандлю праз сетку Iнтэрнэт. Так, пры ажыццяўленнi рознiчнага гандлю праз Iнтэрнэт юрыдычныя асобы i iндывiдуальныя прадпрымальнiкi павiнны ва ўстаноўленым парадку зарэгiстраваць даменнае iмя ў даменнай адраснай прасторы нацыянальнага сегмента сусветнай сеткi i назваць даменнае iмя ў лiцэнзii. Усе звесткi аб суб’екце гаспадарання i рэквiзiты лiцэнзii будуць размешчаны на сайце Iнтэрнэт-магазiна. Раней у лiцэнзii магазiнаў называўся толькi вiд гандлёвай дзейнасцi — рознiчны гандаль па ўзорах. Акрамя таго, гэты вiд гандлю будзе дазволены толькi Iнтэрнэт-магазiнам, якiя зарэгiстраваны Дзяржаўным цэнтрам бяспекi iнфармацыi.

Неабходнасць дадатковага прававога рэгулявання дзейнасцi Iнтэрнэт-магазiнаў выклiкана развiццём гэтага вiду гандлю. Паводле ацэнкi спецыялiстаў, у беларускiм сегменце Iнтэрнэт функцыянуюць больш за 400 магазiнаў. Са змяненнем заканадаўства плануецца таксама ўзмацнiць барацьбу з «шэрым iмпартам» i не дапусцiць да ўдзелу ў гандлi асобаў, якiя займаюцца iм незаконна.

Мiнiстэрства гандлю ў 2006 годзе правяло выбарачны манiторынг каля 200 магазiнаў, размешчаных на буйнейшых беларускiх Iнтэрнэт-пляцоўках. Вынiкi праверак i iнфармацыя з органаў абароны правоў спажыўцоў сведчаць пра тое, што многiя Iнтэрнэт-магазiны працуюць з парушэннямi. Напрыклад, устаноўлены факты нявыдачы магазiнамi дакументаў, якiя пацвярджаюць продаж i аплату тавару, а таксама факты неадпаведнасцi гарантыйных талонаў патрабаванням нацыянальнага заканадаўства, з-за чаго пакупнiк не можа абаранiць свае правы.