Нядоўга музыка гучала

Источник материала:

Скандал

Нагадаем, што Вiктар Калiна i ягоная жонка Святлана трапiлi ў поле зроку праваахоўных органаў нашай краiны некалькi месяцаў таму. Абодва абвiнавачваюцца ў страхавых махiнацыях. Першай за краты трапiла Святлана Калiна. Па звестках МУС, 27 снежня мiнулага года ў Мiнску ў адным з банкаўскiх офiсаў яна спрабавала незаконна атрымаць страхоўку на суму больш чым 71 мiльён рублёў за нiбыта ўкрадзены ў Маскве аўтамабiль «Мерседэс». Насамрэч, як высветлiлi супрацоўнiкi Галоўнага ўпраўлення па барацьбе з арганiзаванай злачыннасцю i карупцыяй МУС Беларусi, машына была прададзена самой гаспадыняй. А неўзабаве на знакамiтай «Валадарцы» (так называюць СIЗА №1 у Мiнску) апынуўся i Вiктар Калiна. Муж i жонка правялi за кратамi амаль 2 месяцы i 20 лютага былi адпушчаны пад падпiску аб нявыездзе. Аднак нядоўга музыка гучала. 23 сакавiка Вiктара Калiну зноў змясцiлi пад варту.

Як патлумачыў начальнiк упраўлення па расследаванню злачынстваў у сферы арганiзаванай злачыннасцi i карупцыi ГУПР МУС краiны Дзмiтрый Данiльчык, мера ўтрымання Вiктару Калiне зменена па некалькiх прычынах.

Па-першае, спеваку прад’яўлена новае абвiнавачанне. Зараз ён фiгуруе ў памянёнай крымiнальнай справе ўжо ў якасцi арганiзатара страхавых махiнацый. Дакладней, артыст абвiнавачваецца ў арганiзацыi махлярства ў асаблiва буйных памерах, у арганiзацыi заведама лжывага даносу аб крадзяжы ў Маскве злашчаснага «Мерседэса», на якiм уласна «пагарэла» ягоная жонка, i ў дачы заведама лжывых паказанняў у Маскве наконт прапажы таго самага аўтамабiля.

Па-другое, як заявiў Дзмiтрый Данiльчык, Вiктар Калiна пасля выхаду на волю паводзiў сябе «неналежным чынам», iмкнуўся ўздзейнiчаць на ўдзельнiкаў працэсу расследавання. Дарэчы, Дзмiтрый Данiльчык паведамiў, што ў блiжэйшы час следства па справе Калiны будзе завершана.