Мiльён — у Чырвоным Бары

Источник материала:

Навiны сталiцы

«Прынцып комплекснай забудовы, калi адначасова са стварэннем новага жылля плануюцца i аб’екты сацыяльнай iнфраструктуры, ужо рэалiзуецца ў новых мiкрараёнах сталiцы, — гаворыць начальнiк упраўлення капiтальнага будаўнiцтва (УКБ) Мiнскага гарвыканкама Андрэй Галь. — У прыватнасцi, у мiкрараёне «Дружба» сёлета будуць узведзены 100 тысяч квадратных метраў, новыя дамы агульнай плошчай каля трыццацi тысяч квадратаў з’явяцца ў раёне вулiцы Гурскага».

Акрамя будаўнiцтва вялiкiх дамоў, на вулiцах Барадзiнскай, Сонечнай i Козыраўскай пачынаюцца работы па ўзвядзенню жылых дамоў з невялiкай колькасцю паверхаў. Там будуць знесены 70 старых дамоў. Ужо ў гэтым годзе на месцы старога жылля з’явiцца першы дом, каля якога размесцiцца некалькi школ, чатыры дзiцячыя садкi, спартыўныя пляцоўкi. Акрамя таго, да канца гэтага года заселяцца новыя кватэры ў мiкрараёнах Сухарава-4, -5, Лошыца.

Паводле iнфармацыi Андрэя Галя, у наступным годзе вялiзная тэрыторыя пад будаўнiцтва будзе асвоена ў Чырвоным Бары. Зараз iнстытут «Мiнскпраект» працуе над праектамi, ажыццяўленне якiх будзе праходзiць у дзве чаргi. Усяго ж у мiкрараёне трэба пабудаваць 1 мiльён квадратных метраў жылля.

Для катэгорыi грамадзян, якiя стаяць у чарзе на паляпшэнне жыллёвых умоў, кошт квадратнага метра, як i раней, разлiчваецца па каштарысу 1991 года, з улiкам iндэксацыi на сённяшнi ўзровень цэн. У 2007 годзе прагнозны iндэкс будаўнiча-мантажных работ складзе 9,8 працэнта. Штомесячнае яго павелiчэнне вытрымлiваецца.