Аляксандр Лукашэнка заклiкае не дапусцiць расколу памiж Беларуссю i Расiяй

Источник материала:

Наведванне беларускiм лiдарам храма ў галоўныя царкоўныя святы стала ўжо добрай традыцыяй. Вiншуючы ўсiх суайчыннiкаў з Вялiкаднем, Аляксандр Лукашэнка пажадаў дабра, шчасця, плённай працы на карысць сям’i i краiны.

«На Ражджаство i Уваскрэсенне Хрыстова, год таму, я абяцаў вам у гэтым храме: як бы нi складвалася сiтуацыя, мы будзем жыць у мiрнай i стабiльнай краiне. I мы з вамi зрабiлi для гэтага ўсё. Ужо нiякiя сiлы не змогуць разбурыць той мiр, якi склаўся ў нашай дзяржаве. Таму што ён — у вашай свядомасцi i вашых сэрцах. Таму што гэта вам, вашым дзецям, сем’ям патрэбныя мiр, стабiльнасць i парадак», — адзначыў Аляксандр Лукашэнка.

«Яшчэ раз хачу падкрэслiць: я далёкi ад таго, каб сцвярджаць, што мы вырашылi ўсе праблемы ў нашай дзяржаве. Напэўна, не будзе таго часу, каб мы маглi заявiць: усё вырашана. Мы з вамi жывём самастойна ўсяго толькi каля дзесятка гадоў. I вы ведаеце, якi шлях мы прайшлi», — сказаў Прэзiдэнт.

Паводле яго слоў, мiнулы год быў для беларусаў нялёгкi. «Ён «падарыў» нам вельмi жорсткi канфлiкт з нашай самай блiзкай дзяржавай. Гэта адбываецца пад дыктоўку асобных людзей, як прынята называць у Расii — алiгархаў, якiя пачынаюць, як бухгалтары, лiчыць: хто каму вiнен. Прайшло зусiм няшмат часу, i ў Расii, i тут, у Беларусi, адчулi, хто каму сапраўды вiнен», — падкрэслiў кiраўнiк дзяржавы.

Як заявiў Прэзiдэнт, «мы нi ў якiм выпадку не павiнны, грунтуючыся на тым канфлiкце, павялiчыць тую трэшчыну i зрабiць раскол памiж нашымi народамi i дзяржавамi».

«Мы заўсёды з расiянамi, братэрскiм рускiм народам былi разам. I мы павiнны заўсёды заставацца разам, як бы там некаму не хацелася па той або iншы бок барыкад. У нас хапае пагроз, i супраць гэтых пагроз мы заўсёды ў гiсторыi былi разам i заўсёды будзем разам. Не прайшло i двух месяцаў, як мы адчулi гэтыя пагрозы. I ў Расii зразумелi, што немагчыма змагацца супраць гэтых пагроз без беларусаў, якiя заўсёды першымi станавiлiся на абарону Айчыны. Так будзе заўсёды. Так Бог, напэўна, прадвызначыў нам. I мы гэтую ношу павiнны несцi», — сказаў Аляксандр Лукашэнка.

«Але галоўнае — гэты наймоцны ўдар па нашай эканомiцы, якi быў нанесены з Усходу, намi пераадолены на працягу першага квартала. Мы ў стане падняцца на ногi. I мы паднялiся. I паверце: у першым паўгоддзi гэтага года мы наогул забудзем, што гэта было. Усё дзякуючы таму, што вы заўсёды верылi ў тое, што мы з вамi рабiлi», — заявiў Прэзiдэнт.

Аляксандр Лукашэнка сказаў аб тым, што «як бы нi складвалася абстаноўка, беларусы вытрымаюць любы ўдар лёсу. Вытрымаем, таму што мы мужныя людзi. Я хачу, каб вы разумелi: мы нiкому не навязваем волю, мы нi з кiм не канфлiктуем, я як кiраўнiк дзяржавы нi на што не прэтэндую i не штурхаю свой народ пазiраць на чужыя землi. У нас хапае сваёй зямлi, сваiх праблем, якiя трэба вырашаць. Дык чаго ж ад нас хочуць? Ад нас хочуць, каб мы змiрылiся, скарылiся. Гэтага не будзе. Нiколi! Мы — горды, свабодалюбiвы, незалежны народ, якi жыве на сваёй зямлi. I так будзе заўсёды, таму што гэта прадвызначана Богам. I мы будзем за яе змагацца i адстойваць яе, — падкрэслiў Прэзiдэнт.

Пры гэтым Аляксандр Лукашэнка дадаў, што дзверы Беларусi заўсёды расчыненыя для тых, хто iдзе да нас з мiрам i дабром. «I ў гэты светлы святочны дзень я аб гэтым гавару, таму што гэты дзень, калi адкрываюцца душы i сэрцы людзей i мы сардэчна гатовыя прыняць нашых сяброў», — сказаў кiраўнiк дзяржавы.

«Сёння шмат розных «размоў» вядзецца ў мой адрас, у адрас кiраўнiцтва Беларусi. Паверце: за гэты год нiчога не змянiлася. Прэзiдэнт цвёрда стаiць на нагах i валодае сiтуацыяй у краiне. Некаму хочацца, каб ён «захiстаўся», але гэтага не будзе, таму што Бог нас заўсёды падтрымае ў нашым справядлiвым iмкненнi жыць сумленна i прыстойна», — сказаў на заканчэнне Аляксандр Лукашэнка. У гонар святога свята Прэзiдэнт перадаў у дар Свята-Духаваму кафедральнаму сабору карцiну «Верхнi горад». Мiтрапалiт Мiнскi i Слуцкi Фiларэт, Патрыяршы Экзарх усяе Беларусi перадаў Аляксандру Лукашэнку ад патрыярха Маскоўскага i ўсяе Русi Аляксiя II падарунак i найлепшыя пажаданнi.

Прэс-служба Прэзiдэнта Рэспублiкi Беларусь.