Главная
Гороскопы
У паўфiнале — гаспадары i дзеючыя чэмпiёны
Iрына ПРЫМАК
Шайбу, шайбу! Першымi паўфiналiстамi першынства планеты па хакею ў Маскве i Мыцiшчах сталi гаспадары турнiру i дзеючыя чэмпiёны свету i зiмовых Алiмпiйскiх гульняў. У 1/4 фiналу зборная Расii не пусцiла ў наступны этап вiцэ-чэмпiёнаў свету чэхаў — 4:0, а каманда Швецыi перамагла славакаў — 7:4. За выхад у галоўны матч спаборнiцтваў расiяне згуляюць (у суботу, 12 мая) супраць пераможцы чвэрцьфiнальнай сустрэчы ЗША — Фiнляндыя, а шведы памераюцца сiламi з мацнейшай дружынай чвэрцьфiнальнай гульнi Канада — Швейцарыя. Пераможца сёлетняга чэмпiянату свету вызначыцца 13 мая.P.S. Учора зборная Канады перамагла ў чвэрцьфінале каманду Швейцарыі (5:1) і ў паўфінале згуляе са шведамі. Мезiн сыходзiць?.. Пасля пройгрышу беларусаў у матчы супраць зборнай Германii (5:6) у квалiфiкацыйным раўндзе варатар нашай каманды Андрэй Мезiн заявiў аб жаданнi завяршыць выступленне за зборную Беларусi, бо хацеў бы сканцэнтравацца на гульнi за магнiтагорскi «Металург», у якi ён перайшоў з уфiмскага «Салавата Юлаева». «Я адчуваю стомленасць, ды i настаў час прапусцiць наперод маладых, — тлумачыць сваё рашэнне 32-гадовы галкiпер. — Мне варта было пакiнуць зборную яшчэ летась, калi наша каманда згуляла цудоўна i заняла месца ў васьмёрцы. Хацелася завяршыць сваё выступленне за каманду на мажорнай ноце. Аднак развiтвацца са зборнай я перадумаў у апошнi момант: адчуваў, што патрэбны ёй, i з федэрацыi мне пастаянна званiлi i цiкавiлiся наконт маiх спраў, падтрымлiвалi мяне. Рана цi позна трэба сыходзiць, i лепей гэта зрабiць зараз».
Чтобы разместить новость на сайте или в блоге скопируйте код:
На вашем ресурсе это будет выглядеть так
Першымi паўфiналiстамi першынства планеты па хакею ў Маскве i Мыцiшчах сталi гаспадары турнiру i дзеючыя чэмпiёны свету i зiмовых Алiмпiйскiх гульняў |
|