Главная
Гороскопы
Заставацца са сваiм «Я»
Iрына ПРЫМАК
Праз 85 дзён старэйшай беларускай газеце споўнiцца 90 гадоў. Да юбiлею «Звязды» не маглi застацца абыякавымi яе чытачы са стажам — Мiхаiл МАХНАЧ, палкоўнiк, намеснiк начальнiка Мiнскага сувораўскага ваеннага вучылiшча па iдэалагiчнай працы, i Мiкалай ШЭНДЗЕРАЎ, начальнiк вучэбнага аддзела МСВВ. Дарэчы, у госцi да беларускiх сувораўцаў «Звязда» наведвалася неаднойчы, бо падстаў для напiсання матэрыялаў у iх заўжды хапае.
— Да «Звязды» мяне прывучыла мая куратар, калi я яшчэ вучыўся ў Педагагiчным iнстытуце iмя Максiма Горкага (зараз ён носiць iмя Максiма Танка), — дзелiцца ўспамiнамi Мiкалай Уладзiмiравiч. — Не развiтаўся з газетай я i ў час працы настаўнiкам у мiнскай СШ № 86. «Звязда» дапамагала мне рыхтаваць палiтiнфармацыю на ўрок. З газетай я нават крыху спрачаўся: неяк тэлефанаваў у рэдакцыю, бо палiчыў адзiн з выразаў у матэрыяле занадта русiфiкаваным, але мне патлумачылi, чаму ён быў ужыты. Тая «Звязда» i сучасная, зразумела, адрознiваюцца, бо ў той час былi iншыя праблемы... Хачу пажадаць газеце на юбiлей заўжды заставацца са сваiм «Я». I няхай ваш чытач будзе вам удзячны! — Сярод iншых газет «Звязда» вылучаецца сваiм адметным характарам, як чалавек у грамадстве. Мова родная, зразумелая, — адзначае палкоўнiк Махнач. — Падзеi асвятляюцца аператыўна i цiкава. Засталася тая асаблiвая старая закваска. Зычу «Звяздзе» заставацца такой, якой яе ведаюць i паважаюць. У вас ёсць пастаянны чатач, якi верыць вам. А такi давер набывае не кожнае выданне. Заўважу, што Мiкалай Шэндзераў заўжды размаўляе на беларускай мове, а палкоўнiк Махнач пры наведваннi нашага карэспандэнта МСВВ кажа: «Дзякуй, што «Звязда» размаўляе са сваiмi чытачамi на роднай мове».
Чтобы разместить новость на сайте или в блоге скопируйте код:
На вашем ресурсе это будет выглядеть так
Праз 85 дзён старэйшай беларускай газеце споўнiцца 90 гадоў. Да юбiлею «Звязды» не маглi застацца абыякавымi яе чытачы са стажам
|
|