8 «выстралаў» трапiлi ў цэль

Источник материала:

Мiжнародную Мендзялееўскую алiмпiяду многiя лiчаць унiкальнай з’явай у галiне iнтэлектуальных спаборнiцтваў школьнiкаў, паколькi юным хiмiкам не толькi ўдалося захаваць традыцыi Усесаюзнай алiмпiяды, але i значна пашырыць кола яе ўдзельнiкаў. Сёння акрамя школьнiкаў краiн СНД i Балтыi ўдзел у ёй прымаюць балгары, румыны i македонцы. А жадаючых далучыцца да алiмпiяды яшчэ больш.

Сёлетняя алiмпiяда праходзiла ў Мiнску i аказалася самай прадстаўнiчай — у беларускую сталiцу з’ехаўся 91 школьнiк з 16 краiн свету. Варта заўважыць, што мiжнародная Мендзялееўская алiмпiяда праходзiць пад патранажам Маскоўскага дзяржаўнага ўнiверсiтэта iмя М.В. Ламаносава i яе пераможцы атрымлiваюць права быць залiчанымi без экзаменаў на хiмiчны факультэт славутага расiйскага ўнiверсiтэта.

У багажы беларускай каманды акрамя «золата» аказалiся яшчэ тры сярэбраныя i чатыры бронзавыя медалi. Сярэбранымi медалямi былi адзначаны веды Алены Васьковай (лiцэй № 1 г. Вiцебска), Людмiлы Кушнiр (Лiцэй БДУ) i Цiмафея Балотнiка (СШ № 1 г. Лепеля). «Бронза» дасталася Вiкторыi Паўлавец (СШ № 51 г.Мiнска), Валерыi Каснерык (СШ № 22 г. Мiнска), Глебу Гарбацэвiчу i Мiкiце Мiсюру (абодва — навучэнцы Лiцэя БДУ).

Дарэчы, апошнi раз Мендзялееўская алiмпiяда праходзiла ў Беларусi ў 1999 годзе. Восем гадоў таму ў ёй прынялi ўдзел 65 школьнiкаў з 11 краiн. Вырашана, што ў наступным годзе юных хiмiкаў будзе прымаць Ташкент.