Хроніка апошніх падзей

Источник материала:

У Самары прайшоў самiт Расiя—ЕС, на якiм Захад спрабаваў у чарговы раз знайсцi агульную мову з Усходам. Еўрасаюз на iм прадстаўлялi канцлер Германii Ангела Меркель i кiраўнiк Еўракамiсii Жазэ Мануэл Барозу, iх сустракалi прэзiдэнт Расii Уладзiмiр Пуцiн i прэм’ер-мiнiстр Мiхаiл Фрадкоў.

Нягледзячы на заявы бакоў аб добрых узаемаадносiнах, на справе адбываецца ўсё наадварот. Еўрапейскiя чыноўнiкi канкрэтна адзначылi Уладзiмiру Пуцiну, што праблемы адносiнаў памiж Эстонiяй, Польшчай i расiйскай апазiцыяй сур’ёзна трывожаць Брусель. Праблема з польскiм мясам i гароднiнай, пастаўка якiх спынiлася яшчэ ў 2005 годзе, дагэтуль не вырашана, з гэтым згадзiўся i прэзiдэнт Расii.

Аднак ён адзначыў, што польскi бок нават не збiраецца размаўляць з Расiяй i толькi дзякуючы Ангеле Меркель ёсць магчымасць абмяркоўваць гэтае пытанне. Наконт апазiцыi Пуцiн сказаў, што яна яму не перашкаджае, а што датычыцца разгону мiтынгаў, дык рашэннi аб гэтым прымаюць мясцовыя ўлады. Дарэчы i ў Еўропе, падкрэслiў прэзiдэнт Расii, з непажаданымi выступленнямi таксама змагаюцца рознымi сродкамi, а ў Талiне ў час выступленняў наогул загiнуў адзiн расiянiн. Аднак зносiны з прэсай палiтыкi заканчвалi на пазiтыўнай ноце, i Пуцiн папрасiў не нагнятаць атмасферу, бо Расiя i ЕС усё роўна будуць супрацоўнiчаць.

УРАД НАПАЛОВУ ЛЯ ФАМ

Новы прэм’ер-мiнiстр Францыi Франсуа Фiён аб’явiў склад новага ўрада. Палову пастоў у iм занялi жанчыны, а мiнiстрам замежных спраў стаў Бернар Кушнер.

Многiя з назначаных членаў кабiнета працавалi яшчэ з Жакам Шыракам, папярэднiкам Нiкаля Сарказi. Але ёсць i новыя назначэннi, уключаючы першага ў Францыi мiнiстра, якi паходзiць з Паўночнай Афрыкi. Гэта мiнiстр юстыцыi Рашыда Дацi. Другiм па важнасцi чалавекам у кабiнеце мiнiстраў названы Ален Жупе, якi ўзначальваў урад краiны ў сярэдзiне 90-х. Назначэнне ж сацыялiста Кушнера, якi на працягу выбарчай кампанii падтрымлiваў сапернiцу Сарказi Сегален Руаяль, стварыла раскол у левых колах краiны.

НАЛЁТЫ НА МIЛЬЁНЫ

Увечары ў чацвер у цэнтры Масквы адбыўся напад на аўтамашыну, у вынiку якога было выкрадзена больш за $1 млн.

Злачынцы на аўтамабiлi Audi-A6 заблакiравалi рух аўтамашыне BMW X5, у якой знаходзiлiся супрацоўнiкi адной з камерцыйных фiрмаў з буйной сумай грошай. Рабаўнiкi адкрылi агонь з агнястрэльнай зброi, пасля чаго забралi грошы i знiклi. У машыне нiхто не пацярпеў. Па даных праваахоўных органаў, бандыты знеслi $1,2 млн. План «Перахоп» нiякiх вынiкаў не прынёс.

Гэта ўжо другi буйны налёт у Расii за тыдзень. 12 мая ў Чыце злачынцы абрабавалi аддзяленне Ашчаднага банка Расii i скралi са сховiшча больш за 38 млн рублёў, 250 грамаў золата i 1750 грамаў серабра ў злiтках. Пры нападзе былi застрэленыя абодва ахоўнiкi, якiя дзяжурылi ў той час. Як пазней высветлiлася, адзiн з iх аказаўся саў-дзельнiкам, менавiта ён упусцiў рабаўнiкоў у банк праз акно. Пры праверцы на дэтэктары хлуснi падазрэннi выклiкала адна з супрацоўнiц, якая была затрымана. У вынiку пошукавых мерапрыемстваў былi затрыманы чатыры ўдзельнiкi банды, у тайнiку ў лесе былi знойдзены грошы, але толькi ў колькасцi 18,4 млн рублёў.

Як стала вядома ўчора, забойцам абодвух ахоўнiкаў i арганiзатарам налёту на банк аказаўся былы капiтан Упраўлення барацьбы з арганiзаванай злачыннасцю Чыцiнскай вобласцi. Па неафiцыйнай версii, ахоўнiк банка пакiнуў дома жонцы спiс саўдзельнiкаў i запiску з просьбай аднесцi гэты спiс у мiлiцыю, калi з iм што-небудзь здарыцца. Былы капiтан УБАЗ прызнаўся ва ўсiм, а таксама паказаў месца забойства свайго саўдзельнiка. Мiж тым следчым пакуль невядома, дзе знаходзяцца астатнiя грошы i каштоўныя металы.